Taarikey 1na 18:4 - Songhai de Gao Bible

⁴ Dawda na bari torka zenber foo (1.000), nda torka dirandikaw zenber iyye (7.000), nda wongu-ize cee dirakaw zenber waranka (20.000) taa i kone. Baryey kaŋ ga torkawey cendi, a na zangu (100) naŋ, a na cindey kul ceelinjey dunbu-dunbu.

Taarikey 1na 18:4 ပူးပေါင်းရင်းမြစ်များ

Šintinoo 49:6

Ay hundoo sii ngi ceretaraa ra, ay binoo sii ngi margaroo ra, zama ngi futuyanoo ra i na aruyaŋ wii, ngi hooraa ra i na yaaruyaŋ malal.

Samiyel 2to 8:4

Dawda na bari torka dirandikaw zenber foo nda zangu iyye (1.700) nda wongu-ize cee dirakaw zenber waranka (20.000) taa i kone. Baryey kaŋ ga torkawey cendi, a na zangu (100) naŋ, a na cindey kul ceelinjey dunbu-dunbu.

Kokoyey 1na 10:26

Sulaymaana na bari torkayaŋ nda bari kaarukawyaŋ marga, torka zenber foo nda zangu taaci (1.400) bara a se, nda bari kaarukaw zenber woy cindi hinka (12.000). A na affooyaŋ sanba koyrawey ra kaŋ ra nga torkawey goo, a na jerey jisi nga jere Žerizalem.

Kokoyey 1na 4:2

Nga boŋkoyney kaŋ goo a cire maaɲey ne: Sadok izʼaroo Azariya kaŋ ti sargari juwalkaa,

Taarikey 1na 18:3

Waatoo kaŋ Dawda ga koy Efrat isaa borey daŋ nga hinoo cire, a na Soba kokoyoo Hadadezer kar Hamat koyraa here.

Taarikey 1na 18:5

Siiri gandaa borey kaŋ goo Damas koyraa ra koy Hadadezer, Soba kokoyoo faaba. Amma woo kul, Dawda na boro zenber waranka cindi hinka (22.000) kar kʼi wii Siiri borey ra.

Zaburey 20:7

Sohõ ay bay kaŋ Abadantaa ga nga suubantaa kaŋ yonandi hallasi, a ga tuuru a se ka hun nga beenaa nongu henanantaa ra nda nga kabe gumaa albarkantaa faabaroo.

Alhukumoo 17:16

Amma war kokoyoo masi duu bari boobo, a masi jamaa yeeti Misira mo ka duu bari boobo, zama Abadantaa nka nee war se: ‹War masi yee ka yee nda fondaa din.›

Žozuwe 11:6

Abadantaa nee Žozuwe se: «Masi hunbur ey, zama suba dimmaa woo ga, ay gʼi kul daŋ ni kaboo ra, i ga karandi ka buu Izirayel jine. Ma ngi baryey cewey kayri, ma nuune daŋ ngi torkawey ra.»

Žozuwe 11:9

Žozuwe nʼi tee sanda woo kaŋ Abadantaa nʼa har a se. A na ngi baryey cewey kayri, a na nuune daŋ ngi torkawey ra.