Taarikey 1na 18:13 - Songhai de Gao Bible

¹³ A na sooje gorodooyaŋ kaŋ ga juwal gorandi Edom gandaa ra. Edom kul sii kala Dawda hinoo cire. Abadantaa ga Dawda noo a ma hin nongu kul kaŋ ra a koy.

Taarikey 1na 18:13 ပူးပေါင်းရင်းမြစ်များ

Šintinoo 25:23

Abadantaa nʼa zaabi ka nee: «Dumi hinka bara ni gundoo ra. Jama hinka ga hun ni gundoo ra kaŋ ga fay. Jama faa goo nda gaabi ka bisa ceroo. Ibeeroo ga yee ikaccaa cire.»

Šintinoo 27:29

Yala alkabiilayaŋ ma yee ni cire! Dumiyaŋ ma gunguma ma ne! Ma tee ni armey boŋkoynoo, de mo ni ɲaa-izey ma gunguma ma ne! Boro kaŋ na ni danga ga laali, boro kaŋ gaara ma ne ga duu albarka!»

Šintinoo 27:37

Isiyaka na Eso zaabi ka nee: «Guna, ay nʼa tee ni boŋkoynoo, ay na nga armey kul tee nga tamey. Ay nʼa noo alkamaa nda alaneb haroo. Sohõ macin no ay ga hin kʼa tee ma ne, ay izoo?»

Šintinoo 27:40

Ni takubaa nda nʼga huna, nʼga yee ni armaa cire, amma nʼga kaa ka duu ni boŋ. Tiŋay-zaa-bundoo kaŋ a ga daŋ ni boŋ, nʼgʼa kaa ni jindoo ga.»

Samiyel 2to 23:14

Dawda goo ma tugu tondi horboo ra, Filisti borey soojey gorodoo goo Betelehem koyraa ra.

Kokoyey 1na 11:15

Zamanoo kaŋ kokoyoo Dawda ga Edom borey tangam, Dawda wongu-izey jineboraa kaŋ ti Žowab, kaŋ a ga koy Izirayel borey wongu-ize bukawey sutura, a na Edom arey kul wii.

Taarikey 1na 18:12

Seruya izʼaroo kaŋ ti Abišay na Edom borey aru zenber woy cindi yaaha (18.000) kar ka hin ey Ciiroo gooroo ra.

Taarikey 1na 18:14

Dawda laama Izirayel kul boŋ. A ga goy nga jamaa se nda cimi nda šerretaray.

Taarikey 1na 18:6

Woo banda ga, Dawda na sooje gorodooyaŋ kaŋ ga juwal gorandi Damas koyraa ra, Siiri borey gandaa ra. Siiri borey yee Dawda hinoo cire, i ga alkaasi bana a se. Nongu kul kaŋ ra Dawda koy, Abadantaa gʼa noo hinay.

Zaburey 121:7

Abadantaa ga ni lakkal ka hun ifutu kul ra, a ga ni hunaroo lakkal.

Zaburey 144:10

Ni kaŋ ga kokoyey hallasi, nʼga ni tamoo Dawda kaa takuba laalaa cire.

Kabuyaney 24:18

A hin Edom gandaa kʼa tee nga wane, a hin nga iberoo kaŋ ti Seyir gandaa kʼa tee nga wane. Izirayel ga gaabi beeri fattandi.

Korent borey bataga 2to 11:32

Kaŋ ay goo Damas koyraa ra, goforneroo kaŋ goo kokoyoo Aretas cire na koyraa boroyaŋ daŋ i mʼay koroši hala i mʼay dii.

Samiyel 1na 10:5

Woo banda ga, nʼga too Gibeya-Elohim kaŋ ra Filisti borey soojey gorodoo goo kaŋ ga juwal. Waati kaŋ nʼga huru koyraa ra no din, nʼga annabi jama kubay kaŋ ga hun hodaddaa boŋ sargari kaadogoo ra, i ga annabitaray tee, de kurbu, nda dunduŋ, nda laati, nda kuntiji ga karandi i jine.

Samiyel 1na 13:3

Žonataŋ na Filisti borey soojey gorodogoo kar kaŋ goo Geba, Filisti borey maarʼa. Sawul na hilli hẽenandi gandaa kul ra ka nee: «Eberewey ma maa.»

Samiyel 1na 14:1

Han foo Žonataŋ, Sawul izʼaroo nee nga aru sooga goykaa kaŋ ga nga wongu jinawey zaa se: «Kaa ir ma bisa ka koy nongoo here kaŋ ra Filisti borey wongu-izey ga goro.» Žonataŋ mana haya kul har nga baabaa se.

Samiyel 1na 18:14

Dawda teegoyey kul ga boori, Abadantaa goo a bande.