Taarikey 1na 17:27 - Songhai de Gao Bible

²⁷ Sohõ ni yadda ka albarka daŋ agay, ni tamoo hugoo ra hala ay hugoo ma cindi ni jine hala abada, zama ni, Abadantaa, haya kaŋ ra nʼna albarka daŋ, hayaa duu albarka hala abada.»

Taarikey 1na 17:27 ပူးပေါင်းရင်းမြစ်များ

Šintinoo 27:33

Isiyaka hanse ka jijiri hunburay se, de a nee: «May ti boraa kaŋ na ham hoo ka kate a ya ne? Ay nʼa kul ŋaa za mana too kate. Ay gaara a se. De mo gaararoo ga cindi a bande.»

Kokoyey 1na 2:33

Borey kuroo alhakoo ga hanga Žowab nda nga hayroo bande waati kul. Abadantaa alaafiyaa ga hanga Dawda nda nga hayroo, nda nga hugoo borey, nda nga kokoytaraa bande waati kul.»

Kokoyey 1na 2:45

Amma a ga albarka daŋ kokoyoo Sulaymaana ra, Dawda kokoytaraa ga tabati Abadantaa jine hala abada.»

Taarikey 1na 17:26

Abadantaa, ni ti Irkoy, ni ka gomnoo woo har agay, ni tamoo se.

Taarikey 1na 18:1

Woo kaŋ tee banda ga, Dawda koy Filisti borey kar ka hin ey, a nʼi daŋ nga hinoo cire. A na Gat koyraa nda nga koyra kanbey taa i kone.

Taarikey 1na 28:4

Abadantaa, Izirayel Koyoo kʼay suuba ay baabaa hugoo borey kul ra kʼay tee Izirayel kokoyoo hala abada. A nka Žuda alkabiilaa suuba kʼa tee boŋkoyni. Woo banda ga, a nʼay baabaa hugoo suuba Žuda borey ra. Ay kan a se ay baabaa izʼarey ra, woo se a nʼay tee Izirayel kul se kokoy.

Zaburey 21:6

Nga daržaa ga beeri ni hallasiroo maaganda, nʼnʼa taalam nda hini nda beeray.

Zaburey 72:17

Nga maaɲoo ma cindi hala abada, kullihinne waynaa ga bara, nga maaɲoo ma bara. Nga bande borey ma duu albarka, gandawey kul ma nee kaŋ a duu gomni.

Kabuyaney 23:20

Ay yadda ka gaara, a na albarka daŋ, ay si hin kʼa tunandi.

Rom borey batagaa 11:29

Zama Irkoy si nimsi nda nga anneemaa nooyaney nda nga ciyayanoo.

Efez borey batagaa 1:3

Albarka ma bara Irkoy se kaŋ ti ir Koyoo Isa Almasihu Koyoo nda nga Baabaa. A na nga Hundoo albarka dumey kul daŋ ir ra beenaa nongey ra Almasihu alhormaa ra.

Alhukumoo 15:6

Zama Abadantaa, ni Koyoo ga albarka daŋ ni ra sanda takaa kaŋ nda a nʼa har ma ne, nʼga garaw ganda boobo se nda tolme, amma ni, nʼsi garaw zaa nda tolme, nʼga ganda boobo laama, amma i si ni laama.