Taarikey 1na 17:24 - Songhai de Gao Bible

²⁴ Yala allaahidoo kaŋ nʼnʼa zaa ma tee hala ni maaɲoo ma beerandi hala abada borey ma nee kaŋ Abadantaa, Aduɲɲakoyoo ti Izirayel Koyoo. Yala agay Dawda, ni tamoo hugoo ma tabati ni jine.

Taarikey 1na 17:24 ပူးပေါင်းရင်းမြစ်များ

Taarikey 1na 17:23

Sohõ Abadantaa, taka tee kaŋ ra ni šennoo kaŋ nʼnʼa har agay, ni tamoo ga, nda ay hugoo ga ma cindi, goy ka sawa nda ni šennoo kaŋ nʼnʼa har.

Taarikey 1na 17:25

Zama ni hunday, ay Koyoo, nʼnʼay bayrandi kaŋ nʼga hugu cin ya ne. Woo maaganda se ay duu bine ka kay ni jine ka ni ŋaaray.

Taarikey 2to 6:33

ma haŋajer a se za beenaa ra kaŋ ti ni gorodogoo. Haya kul kaŋ nda a na ni ŋaaray, mʼa tee a se hala laboo kul jamawey ma ni maaɲoo bay, ka hunbur ni sanda takaa kaŋ nda ni jamaa Izirayel ga hunbur ni, i ma bay mo kaŋ hugoo woo kaŋ ay nʼa cin, ni maaɲoo no ma ciyandi a ga.

Zaburey 21:13

zama nʼga kate i ma duma bere, nʼga ni biraa ka kara i ra.

Zaburey 72:19

Albarka ma bara nga maa daržantaa se hala abada! Yala laboo kul ma too met nda nga daržaa! Amin! Amin!

Zaburey 90:17

Yala ir Koyoo Irkoy albarkaa ma bara ir ga! Mʼir kabe goyey tabatandi ir se! Nhuu, ir kabe goyey tabatandi!

Matiyu 6:13

Masi naŋ ir ma siyandi ka kaŋ zunubu ra, amma ir hallasi boro laalaa ra kaŋ ti Ibilisi.›

Matiyu 6:9

War, takaa ne kaŋ nda war ma Irkoy ŋaaray: ‹Ir Baabaa Irkoy kaŋ goo beenaa ra, yala ni maaɲoo ma zandi sanda henanante,

Yehiya 12:28

Baaba Irkoy, ni maaɲoo daržandi!» Jinde foo hun beenaa ra ka nee: «Ay nʼa daržandi, ay gʼa daržandi koyne.»

Yehiya 17:1

Kaŋ Isa na hayey wey har, a na nga boŋoo jer ka beenaa guna, a nee: «Baaba Irkoy, waatoo kaa. Ni Izʼaroo daržandi hala a ma ni daržaa cebe,

Filipi borey batagaa 2:11

De mo deene kul ma nee kaaray kaŋ nga Koyoo ti Isa Almasihu ka Baabaa Irkoy beerandi.

Eberewey batagaa 11:16

Amma sohõ i ga ganda ceeci kaŋ baa woo din, maanaa beenaa wanoo. Woo maaganda se Irkoy si haw nga ma ciyandi nda ngi Irkoy, zama a na koyra hanse i se.

Eberewey batagaa 8:10

Amaanaa kaŋ ay gʼa zaa Izirayel hugoo borey se zaarey wey banda ga, war Koyoo kʼa har, ay gʼay ašariyawey daŋ lakkaley ra, ay gʼi hantum biney mo ga. Ay ga tee ngi Irkoy, i ga tee ay jamaa.

Piyer bataga 1na 4:11

Boro kaŋ ga waazu, a ma tee Irkoy meešennoo no a gʼa har. Boro kaŋ ga goy mʼa tee nda gaaboo kaŋ Irkoy gʼa noo a se, hala haya kul ra darža ma bara Irkoy se Isa Almasihu albarkaa ra, nga kaŋ darža nda gaabi goo a se abada hala abada! Amin.

Bangandiroo 21:3

Ay maa jinde beeri foo kaŋ hun kokoy gorodogoo ra ka nee: «Irkoy hukkumoo ne adamizey game. Irkoy ga goro i bande, i ga tee nga jamaa, Irkoy hunday goo i bande [sanda ngi Irkoy].