Taarikey 1na 17:21 - Songhai de Gao Bible

²¹ Ganda tana mma bara laboo ga kaŋ ga hima nda Izirayel, ni jamaa, kaŋ koy tana koy a day kʼa kaa kabe ra a ma tee nga wane? Nʼna haya beeriyaŋ nda teegoy kayfanteyaŋ tee ni maaɲoo beerandiyanoo se. Nʼna ganda tanayaŋ gaaray ni jamaa jine kaŋ nʼnʼa hallasi kʼa kaa Misira.

Taarikey 1na 17:21 ပူးပေါင်းရင်းမြစ်များ

Taarikey 1na 17:20

Abadantaa, ni cine sii no, woo kul kaŋ ir haŋawey maarʼa banda ga, koy sii no kala ni.

Taarikey 1na 17:22

Nʼna Izirayel, ni jamaa daŋ hala i ma tee ni jamaa hala abada, de ni, Abadantaa, ni tee ngi Koyoo.

Nehemi 9:10

Nʼna tammaasayaŋ nda kayfiyaŋ tee, ka Firawuuna nda nga borey gande, nda nga gandaa jamaa kul, zama nʼga kabekunafutaa bay kaŋ i nʼa tee ir hayragey se. Nʼna ni maaɲoo kaataray, woo se a ga bara hala hõ.

Zaburey 107:2

Yala borey kaŋ Abadantaa nʼi feeri mʼa har, wey kaŋ a nʼi feeri kʼi kaa torrokaa kaboo ra,

Zaburey 111:9

A na nga jamaa feeri, a na nga amaanaa gorandi hala abada. Nga maaɲoo ga henan, a ga hunburandi.

Zaburey 147:20

A mana takaa follokaa tee gandawey kul se, i si nga hantumey kaŋ kayandi bay. Aleluya!

Zaburey 65:5

Boraa duu gomni kaŋ nʼnʼa suuba kʼa manandi ni hala a ma huna ni batumawey ra! Ir ga kungu ni hugoo gomnoo ra, ni hugoo haya henanantey ra.

Zaburey 77:15

Ni ti Koyoo kaŋ ga kayfiyaŋ tee. Nʼna ni gaaboo cebe dumey ra.

Fattaroo 6:6

Woo maaganda se nee Izirayel borey se: ‹Agay ti Abadantaa, ay ga Misira waazibi goyey zaa war boŋ. Ay ga war kaa ngi tamtaraa ra. Ay ga war feeri nda ay hinoo nda ciiti beeriyaŋ.

Alhukumoo 15:15

Ma hongu kaŋ ni cindi ka tee baɲɲa Misira gandaa ra, Abadantaa, ni Koyoo na ni feeri, woo se ay ga ni noo yaamaroo woo hõ.

Alhukumoo 4:7

Ganda beeri foo bara no kaŋ goo nda koy kaŋ ga man a sanda takaa kaŋ nda Abadantaa, ir Koyoo ga man ir waati kul kaŋ ir nʼa cee?

Tit batagaa 2:14

Nga kaŋ na nga boŋ noo ir maaganda se, kʼir kaa goy futu kul cire, kʼir henanandi ka tee nga boŋ jama cere-cerantaa kaŋ ga durkutu goy henna teeyan bande.

Žozuwe 10:42

Žozuwe na kokoyey wey kul dii, ka ngi gandawey dii waati follokaa ra, zama Abadantaa, Izirayel Koyoo ga wongu Izirayel se.