Taarikey 1na 16:36 - Songhai de Gao Bible

³⁶ Albarka ma bara Abadantaa, Izirayel Koyoo se, za abada hala abada! Waatoo din jamaa kul nee: «Amin!» I na Abadantaa saabu.

Taarikey 1na 16:36 ပူးပေါင်းရင်းမြစ်များ

Kokoyey 1na 8:15

A nee: «Ay ga albarka daŋ Abadantaa, Izirayel Koyoo se kaŋ šelaŋ nda nga miɲoo ay baabaa Dawda se, nga kaboo na hayaa tee kaŋ a nʼa har ka nee:

Kokoyey 1na 8:56

«Albarka ma bara Abadantaa se kaŋ na nga jamaa Izirayel noo hunanzamay sanda takaa kaŋ nda a nʼa har! Šenni henney kul kaŋ a nʼi har nda nga tamoo Musa, haya kul mana cindi i ra kaŋ mana tee.

Nehemi 8:6

Ezra na albarka tee Abadantaa, Koy beeroo se, jamaa kul na ngi kabey jer ka zaabi ka nee: «Amin! Amin!» I gunguma ka ngi ndumey ka sujudu laboo ra Abadantaa jine.

Nehemi 9:5

Lewi borey Yešuwa, nda Kadmiyel, nda Bani, nda Hašabneya, nda Šebaniya, nda Šerebiya, nda Hodiya, nda Šebaniya, nda Petakiya nee: «Wa tun ka war Koyoo Abadantaa saabu abada hala abada. Abadantaa, ni maa daržantaa ma saabandi kaŋ bisa saabuyan kul nda beeray kul!

Zaburey 106:47

Abadantaa, ir Koyoo, ir hallasi! Ir marga ka hun gandawey kabey ra hala ir ma duu ka ni maa henanantaa saabu, ka fooma nda ni saabuyanoo.

Zaburey 106:48

Albarka ma bara Abadantaa, Izirayel Koyoo se, za abada hala abada! Jamaa kul ma nee: «Amin! Aleluya!»

Korent borey bataga 1na 14:16

Zama nda nʼga albarka daŋ Irkoy se nda ni hundoo hinne, boro kaŋ si faham hayaa kaŋ ni goo mʼa har se kaŋ goo margaroo ra, taka foo nda a ga hin ka nee: «Amin» ni albarka daŋyanoo se, ka gar hayaa kaŋ nʼnʼa har a si faham a se?

Efez borey batagaa 1:3

Albarka ma bara Irkoy se kaŋ ti ir Koyoo Isa Almasihu Koyoo nda nga Baabaa. A na nga Hundoo albarka dumey kul daŋ ir ra beenaa nongey ra Almasihu alhormaa ra.

Piyer bataga 1na 1:3

Albarka ma bara Irkoy se kaŋ ti ir Koyoo Isa Almasihu Koyoo nda nga Baabaa. Nga tamalla beeroo ra a nʼir hayandi taaga naata hunante se Isa Almasihu kaŋ tun bukawey ra albarkaa ra.