Taarikey 1na 11:5 - Songhai de Gao Bible

⁵ Žebuz borey nee Dawda se: «Nʼsi huru ne ra.» Amma Dawda na Siyoŋ nongu gaabantaa dii, maanaa Dawda koyraa.

Taarikey 1na 11:5 ပူးပေါင်းရင်းမြစ်များ

Samiyel 2to 5:9

Dawda koy goro nongu gaabantaa ra, a na maaɲoo daŋ Dawda koyraa. Dawda nʼa windi nda cinari, za Milo dogoo do ka koy gundoo ra.

Samiyel 2to 6:10

A mana baa Abadantaa sundukoo ma kaa nga do, Dawda koyraa ra. Woo se a nʼa ka koy boraa kaŋ se i ga nee Obed-Edom kaŋ ti Gat koyraa boro, nga hugoo ra.

Samiyel 2to 6:12

Kokoyoo Dawda duu alhabar kaŋ Abadantaa na albarka daŋ Obed-Edom hugoo ra nda haya kul kaŋ goo maaɲoo ga, Irkoy sundukoo maaganda. Woo ga, Dawda na fondaa zaa, a na Irkoy sundukoo zaa kʼa ka kaa Obed-Edom hugoo do ka koy hala Dawda koyraa ra nda ɲaali.

Kokoyey 1na 8:1

Alwaatoo woo ra, kokoyoo Sulaymaana na Izirayel boro beerey marga nga do Žerizalem kaŋ ti alkabiilawey boŋkoyney, nda Izirayel borey hugu boŋey i ma kaa ka Abadantaa amaanaa sundukoo zaa ka hun Dawda koyraa ra kaŋ ti Siyoŋ ka koy hala Irkoy hugoo ra.

Taarikey 1na 11:4

Dawda nda Izirayel kul koy Žerizalem kaŋ ti Žebuz tangam. No din ra Žebuz borey cindi ka bara, ngi no ma goro gandaa ra.

Taarikey 1na 11:6

Dawda nka nee wongu-izey se: «Boro jinaa kaŋ ga Žebuz borey kar, ay ga boraa tee wongu-ize jamaa jineboraa.» Seruya izʼaroo Žowab tee boro jinaa kaŋ žigi ka koy kara i ra. A tee wongu-izey jineboraa.

Taarikey 1na 11:7

Dawda koy goro nongu gaabantaa ra, woo se i na no din maaɲoo daŋ Dawda koyraa.

Taarikey 2to 5:2

Alwaatoo woo ra, kokoyoo Sulaymaana na Izirayel boro beerey kaŋ ti alkabiilawey boŋkoyney, nda Izirayel borey hugu boŋey marga Žerizalem, i ma kaa ka Abadantaa amaanaa sundukoo zaa ka hun Dawda koyraa ra kaŋ ti Siyoŋ kʼa ka žigi ka koy hala Irkoy hugoo ra.

Zaburey 122:5

Zama no din ra kokoy gorodogey gorandi ciitoo se, kokoy gorodogey gorandi Dawda hugoo borey se.

Zaburey 132:13

Zama Abadantaa na Siyoŋ koyraa suuba, a kan a se nga mʼa tee nga gorodogoo.

Zaburey 2:6

«Agay hunday no kʼay kokoyoo gorandi Siyoŋ tondi hondu henanantaa ga.»

Zaburey 48:2

Abadantaa ga beeri, a ga hanse ka saabandi ir Koyoo koyraa ra, nga tondi hondoo ga henan.

Zaburey 78:68

A na Žuda alkabiilaa suuba, Siyoŋ tondi hondoo kaŋ a ga bagʼa.

Zaburey 87:2

Siyoŋ koyraa miɲey ga kan Abadantaa se ka bisa Yakuba gorodogey kul.

Zaburey 87:5

Amma Siyoŋ ga, a harandi ka nee kaŋ filaana nda filaana mana hayandi kala ne ra, de mo Koy Jerantaa no mʼa gorandi.

Zaburey 9:11

Borey kaŋ ga ni maaɲoo bay ga ngi naanaa daŋ ni ra, zama nʼsi borey yankar kaŋ ga ni ceeci, Abadantaa.

Rom borey batagaa 9:33

Sanda takaa kaŋ nda a hantumandi Citaaboo ra ka nee: «Nga ne, ay ga tondi kaŋ ga boro cewoo cabu daŋ Siyoŋ koyraa ra, tondi no kaŋ ga boro kaŋandi. Amma boro kaŋ naanay a si kaa ka haawi.»

Eberewey batagaa 12:22

Amma war too Siyoŋ tondi hondoo do nda Irkoy hunantaa koyraa kaŋ ti Žerizalem kaŋ goo beenaa ra, nda almalayka zenber woyyaŋ kaŋ ti jingaroo hoorawey margaroo,

Bangandiroo 14:1

Ay goo ma guna, nga ne, Feeji-izoo ga kay Siyoŋ tondi hondoo boŋ, boro zenber zangu nda zenber woytaaci cindi taaci (144.000) kaŋ nga maaɲoo nda Baaboo maaɲoo hantumandi teɲawey ga goo a bande.

Alkaaley 19:10

Amma aroo wanji ka kani, a tun ka koy. A too hala Žebuz tenje kaŋ ti Žerizalem nda farka soolante hinkaa nda nga wahayoo.

Samiyel 1na 17:26

Dawda nee arey kaŋ nga nda ey ga kay se: «Macin no i gʼa tee boraa se kaŋ ga Filisti boraa woo wii ka haawoo kaa Izirayel ga? May ti Filisti boraa woo, jofolaa woo kaŋ ga yadda ka Irkoy hunantaa wongu-ize jamaa wow?»

Samiyel 1na 17:36

Takaa woo nda ni tamoo ga ganjihaylaa wala ursoo wii. Filisti boraa jofolaa woo ga tee ngi cine, zama a nka Irkoy hunantaa wongu-ize jamaa wow.»