Šintinoo 9:6 - Songhai de Gao Bible

⁶ Boro kaŋ na adamize kuroo mun, Adamize no ma kaa ka nga mo kuroo mun, zama Irkoy nka boro taka hala a ma hima nda nga.

Šintinoo 9:6 ပူးပေါင်းရင်းမြစ်များ

Šintinoo 4:14

Nga ne, hõ nʼnʼay gaaray kʼay kaa laboo ga. Ay ga hima ka tugu ma ne. Ay ga tee soomasoomante kaŋ ga windi-windi aduɲɲa ra. Boro kul kaŋ duu agay gʼay wii.»

Šintinoo 42:22

Rubeŋ šelaŋ ka nee i se: «Ay mana nee war se war masi haya laala tee zankaa se wala? Amma war mana haŋajer ya ne. Sohõ ir ga hundoo alhakoo bana.»

Šintinoo 5:1

Adama hayroo taarikoo ne. Hanoo kaŋ Irkoy na boro taka, a nkʼa tee a ma hima nda nga.

Samiyel 2to 4:11

Soko sohõ kaŋ boro laaley na boro šerrante wii nga hugoo ra, nga daaroo boŋ, ay si war hãa nda nga kuroo alhakoo wala? Ay si war tuusu ka war kaa gandaa ra wala?»

Kokoyey 1na 2:9

Amma sohõ, masʼa dii sanda boro kaŋ mana haya kul tee. Lakkalkoyni ti ni, nʼga hayaa bay kaŋ nʼga hima kʼa tee a se. Ba kaŋ se hinbirey kaaray, ma kuroo mun kʼa zumandi alaahara.»

Kokoyey 2to 11:1

Akaziya ɲaa Atali dii kaŋ nga izʼaroo Akaziya buu, woo se a kayandi ka kokoyoo hayrey cindey kul wii.

Kokoyey 2to 11:16

I nʼa dii, i nʼa ka koy kokoyoo hugoo ra nda fondaa kaŋ baryey gʼa zaa, i nʼa wii no din.

Kokoyey 2to 11:20

Gandaa borey kul yafarhã, koyraa lakkalkanay. Haya kaŋ ti Atali, i nʼa wii nda takuba kokoyoo hugoo ra.

Taarikey 2to 33:24

Han foo, nga borey hawandifutay a ga, i nʼa wii nga hugoo ra.

Zaburey 51:4

Hanse kʼay ɲumay kʼay layboo kaa, ay henanandi ay zunuboo ra!

Fattaroo 20:13

Masi boro wii.

Yaasawey 28:17

Boro kaŋ ga kuri alhaku goo ga zuru hala saaraa guusoo ra, i masʼa dii.

Waazukaa 3:3

wiiyan waati goo no, safaryan waati goo no, kayriyan waati goo no, cinayan waati goo no,

Sargarey 17:4

de a manʼa ka koy cere kubayyan hukkumoo miɲoo ga kʼa kaa sargari Abadantaa maaɲoo ga, Abadantaa gorodogoo jine, i gʼa hãa nda kuroo din. A na kuri mun, boraa din ga hun nga jamaa ra,

Sargarey 24:17

Nda boro mo na boro kul kaŋ no kar hala a buu, šikka sii koyoo ga wiiyandi.

Kabuyaney 35:16

Nda boro na guuru haya ka boro kar, de boraa buu, boro wiikaw no, boro wiikaa šikka sii ga wiiyandi.

Kabuyaney 35:25

Jamaa ga boro wiikaa kaa bukaa faasakaa kaboo ra. Jamaa gʼa ka yee koyraa ra kaŋ ra a zuru ka koy nga boŋ talfi. A ga cindi no din hala waati kaŋ ra sargari juwalkaw beeroo kaŋ yonandi nda jii henanantaa buu.

Kabuyaney 35:33

War masi gandaa kaynandi kaŋ ra war ga goro, zama kuri no ma gandaa kaynandi. Boro si hin ka kuroo kaŋ mun gandaa ra zunuboo tuusu nda manʼti kala nda boraa kaŋ nʼa mun kuroo.

Matiyu 26:52

Waatoo din Isa nee a se: «Ni takubaa yeeti dogoo ra, zama borey kul kaŋ ga takuba zaa ga halacandi nda takuba.

Rom borey batagaa 13:4

Hinoo manʼti kala Irkoy goykaw ni nafaa se. Amma nda nʼga goy laala tee, ma hunbur de, zama a si takubaa zaa yaada. Irkoy goykaw no, a ga Irkoy futayyanoo cebe ka boraa zukandi kaŋ na ilaala tee.

Korent borey bataga 1na 11:7

Aru si hima ka nga boŋoo gum, zama Irkoy himakasinaa nda nga daržaa no, amma woy manʼti kala aru daržaa.

Alhukumoo 19:11

Amma nda boro ga konna nga cinaa, nda a na kumsay hirri a se, de a gaaru a se kʼa kar buuyan karyan, affaa buu, nda a zuru ka koy koyrawey wey affoo ra,

Alhukumoo 5:17

Masi boro wii.

Žak batagaa 3:9

Nga nda ir gʼir Koyoo, ir Baabaa saabu, nga nda ir ga adamizey danga kaŋ takandi ka hima nda Irkoy.

Bangandiroo 13:10

Boro kaŋ ga hima baɲɲataray ma koy baɲɲataray. Boro kaŋ ga hima ka wiiyandi nda takuba ma wiiyandi nda takuba. Woo ti Irkoy boro henanantey muɲeyanoo nda ngi naanaa waatoo.

Alkaaley 9:56

Takaa woo nda Irkoy na teegoy futaa kaŋandi Abimelek boŋ kaŋ a nʼa tee nga baabaa se, zama a na nga arma woyyaa (70) wii.

Samiyel 1na 15:33

Samiyel nee: «Ni takubaa ka kate woyyaŋ izey faati, ni ɲaa mo wanoo dere.» Samiyel na Agag dunbu-dunbu kʼa wii Abadantaa jine Gilgal.