Šintinoo 9:21 - Songhai de Gao Bible

²¹ A na alaneboo hari mooraa haŋ, a suu, de a kay nga gaa koonoo nga hukkumoo ra.

Šintinoo 9:21 ပူးပေါင်းရင်းမြစ်များ

Šintinoo 6:9

Woo ti Nuhu fillaa. Nuhu manʼti kala boro šerrante kaŋ ga henan nga alwaddaa ra. A na Irkoy gana.

Šintinoo 9:20

Nuhu ti beerikaw jinaa kaŋ na alaneb faari tee.

Yaasawey 20:1

Alaneb hari moora manʼti kala ɲooɲokaw, harifutu ga hoolo, boro kul kaŋ i gʼa suwandi si duu lakkal.

Waazukaa 7:20

Adamize šerrante sii laboo ga kaŋ ga ihenna tee bila zunubu.

Rom borey batagaa 13:13

Ir ma dira beeray ra, sanda zaari here, ir masi ŋaa-ka-hoo, ka suu, ka woy nda aru izefututaray tee, ir masi haya futu boonay, ir masi yenje, ir masi canse.

Korent borey bataga 1na 10:12

Woo se boro kaŋ ga hongu nga nka sinji henna Irkoy ganaroo ra, a ma hawgay a masi kaŋ.

Galati borey batagaa 5:21

boonayyaney, suuyaney, ŋaa-ka-hooyan, nda hayey kaŋ ga hima nda wey. Ay ga war bayrandi sanda takaa kaŋ nda ay bay kʼa tee kaŋ borey kaŋ ga hayey wey dumey tee si Irkoy Laamaa tubu.

Tit batagaa 2:2

Nee aru žeeney se i ma hin ngi boŋ, i ma tee boroyaŋ kaŋ borey gʼi beerandi, lakkalkoyniyaŋ. I ma tabati naanaa ra, nda baji ra, nda muɲeyan ra.

Bangandiroo 3:18

Ay ga ni hoyray, ma wura kaŋ henanandi nuune ra day ay do hala ma tee almankoyni, nda darbay kaarayyaŋ kaŋ ga ni daabu, ni gaa koonoo haawoo masi fatta, nda safari kaŋ ga daŋandi ni moɲey ga hala ma duu ka dii.