Šintinoo 8:17 - Songhai de Gao Bible

¹⁷ Hundikoyni dumi kul kaŋ goo ni bande, nda cirawey, nda almaney, nda labukoyey kul kaŋ ga ziilam-ziilam laboo ga, mʼi ka fatta ni bande hiyoo ra. I ma ɲuuti laboo ga, i ma hay ka cere hay, ka boobo laboo ga!»

Šintinoo 8:17 ပူးပေါင်းရင်းမြစ်များ

Šintinoo 1:22

Irkoy na albarka daŋ i ra ka nee: «Hayey kaŋ ga huna haroo ra ma hay ka cere hay ka boobo ka teekoo harey too. Cirawey mo ma hay ka cere hay laboo ga!»

Šintinoo 1:28

Woo banda ga, Irkoy na albarka daŋ i ra, a nee i se: «Wa hay, war ma cere hay ka boobo. Wa laboo too, war mʼa laama. Teekoo hamiisaa, nda beenaa ciraw, nda adabba kul kaŋ ga ziilam-ziilam laboo ga, war ma tee i se jineboro.»

Šintinoo 8:16

«Fatta hiyoo ra, ni nda ni wandoo, nda ni izʼarey nda ngi wandey.

Šintinoo 8:18

Nuhu nda nga izʼarey nda nga wandoo nda nga izey wandey fatta a bande.

Šintinoo 9:1

Irkoy na albarka daŋ Nuhu nda nga izʼarey ra ka nee i se: «Wa tonton, war ma hay ka cere hay, de war ma laboo too.

Šintinoo 9:7

War, wa duu izeyaŋ, war ma hay ka cere hay. War ma laboo too, war ma boobo a ra.»

Zaburey 107:38

A na albarka daŋ i ra, i hanse ka boobo, a mana naŋ haya ma hun ngi adabbawey ra.