Šintinoo 5:22 - Songhai de Gao Bible

²² Metusala hayyanoo banda ga, Henok na Irkoy gana jiiri zangu hinza (300). A na izʼaruyaŋ nda ize woyyaŋ hay.

Šintinoo 5:22 ပူးပေါင်းရင်းမြစ်များ

Šintinoo 17:1

Waatoo kaŋ Ibirim duu jiiri woyyagga cindi yagga (99), Abadantaa bangay Ibirim se, a nee a se: «Agay ti Irkoy, Hini-kul-koyoo. Ma dira ay fondaa ra, ma henan.

Šintinoo 24:40

A nʼay zaabi ka nee: ‹Abadantaa kaŋ fondaa ra ay ga dira ga nga almalaykaa daŋ ni jine. A ga ni diraa boryandi, de nʼga woy zaa ay izoo se, ay alaayan beeroo ra, ay baabaa hugoo do.

Šintinoo 48:15

A gaara Isufi se jina, a nee: «Yala Irkoy kaŋ fondaa ra ay hayragey Ibirahima nda Isiyaka dira, yala Irkoy kaŋ nʼay kur za ay huru aduɲɲa ra hala hõ,

Šintinoo 5:21

Waatoo kaŋ Henok duu jiiri woydu cindi guu (65), a na Metusala hay.

Šintinoo 5:23

Henok duu jiiri zangu hinza nda woydu cindi guu (365) aloomur.

Šintinoo 5:24

Henok na Irkoy gana, boro mana dii a koyne, zama Irkoy kʼa zaa kʼa ka koy nga do.

Šintinoo 6:9

Woo ti Nuhu fillaa. Nuhu manʼti kala boro šerrante kaŋ ga henan nga alwaddaa ra. A na Irkoy gana.

Kokoyey 1na 2:4

hala allaahidoo kaŋ Abadantaa nʼa zaa ya ne, a mʼa too. A nka allaahidu zaa ya ne ka nee: ‹Nda ni izey ga lakkal daŋ ngi dira takaa se, nda i ga dira nda cimi ay jine nda ngi binoo kul nda ngi hundoo kul, woo ra nʼsi jaŋ ni izey ra boro kaŋ ga goro Izirayel borey kokoy gorodogoo ra.›

Kokoyey 2to 20:3

«Ay gʼa wiri ni ga, Abadantaa, ma hongu kaŋ ay dira ni jine nda laadirtaray nda ay binoo kul, de mo ay na haya tee kaŋ ga kan ma ne!» Woo banda ga, Ezekiyas hanse ka hẽe.

Zaburey 116:9

Ay ga dira Abadantaa jine hundikoyney laboo ga.

Zaburey 128:1

Woo ti žigiyanoo dooni foo. Boraa duu gomni kaŋ ga hunbur Abadantaa, a ga nga fondawey gana!

Zaburey 16:8

Waati kul ay ga Abadantaa guna ay jine, nda a goo ay kabe gumaa ga, ay si zinji.

Zaburey 26:11

Agay, ay ga dira nda laadirtaray. Abadantaa, ay feeri, hinna ay ga!

Zaburey 56:13

Ya Irkoy, meefurey kaŋ ay nʼi zaa ma ne, ay gʼi bana, nda albarka daŋyan sargariyaŋ kaŋ ay gʼi kaa ma ne.

Zaburey 86:11

Abadantaa, ay cawandi ni fondaa. Ay ga dira ni cimoo bande. Ay binoo marga a ma hunbur ni maaɲoo.

Fattaroo 16:4

Abadantaa nee Musa se: «Ay ga ŋaayan tee ncirɲi ka hun beenaa ra kʼa doori war boŋ. Zaari kul jamaa ga fatta ka ngi zaaroo ŋaahayaa kuuna hala yʼi sii ka dii wala i ga agʼašariyaa dii wala i sʼa dii.

Sargarey 26:12

Ay ga dira war game, ay ga tee war se Irkoy, war ga tee ay jamaa.

Luka 1:6

Ngi boro hinkaa kul ti boro šerranteyaŋ Irkoy jine. I ga dira nda cimi ir Koyoo yaamarey nda nga ašariyawey bande.

Teegoyey 9:31

Egilizoo kaŋ goo Žude kul ra, nda Galile, nda Samari goo nda alaafiyaa, nga naanaa ga tonton, a ga dira ir Koyoo hunburaa ra, de a ga tonton Hundi Henanantaa albarkaa ra.

Rom borey batagaa 8:1

Adiši sohõ borey kaŋ goo Almasihu Isa bande, zukandiyan kul si duu ey.

Korent borey bataga 1na 7:17

Amma boro foo kul ma dira nda takaa kaŋ ir Koyoo nʼa noo a se, nda takaa kaŋ ra a cindi waatoo kaŋ Irkoy gʼa cee. Woo ti haya kaŋ nda ay ga Egilizey kul yaamar.

Korent borey bataga 2to 6:16

Cin ti hayaa kaŋ goo Irkoy hugoo nda tooruyaŋ game? Ka gar ir manʼti kala Irkoy hunantaa hugoo, sanda hayaa kaŋ Irkoy nʼa har ka nee nga Citaaboo ra: «Ay ga goro i game, ay ga dira i bande. Ay ga tee ngi Irkoy, i ga tee ay jamaa.»

Efez borey batagaa 5:15

Wa hanse ka takaa laasaabu kaŋ nda war ga dira. War masi dira sanda hollokomyaŋ, wa dira sanda lakkalkoyniyaŋ

Alhukumoo 13:4

masi haŋajer annaboo woo nda handirikaa woo šenney se, zama Abadantaa, war Koyoo no ma war sii ka dii wala war ga baa Abadantaa, war Koyoo, nda war binoo kul nda war hundoo kul.

Alhukumoo 28:9

Nda nʼna Abadantaa, ni Koyoo yaamarey dii, de ni hanga nga fondawey, Abadantaa ga ni tee jama henanante nga boŋ se nda takaa kaŋ nda a nʼa žee ma ne.

Alhukumoo 5:33

War ma hanga fondaa kul kaŋ Abadantaa, war Koyoo nʼa yaamar war se, hala war ma duu ka huna, war ma duu gomni, war ma duu aloomur gandaa ra kaŋ war ga kaa kʼa mayray.»

Kolos borey batagaa 1:10

Woo ra war dira takaa ga sawa nda ir Koyoo, a ga kan a se nongoo kul here. Teegoy henna dumi kul ga garandi war ra, war ga koy jine Irkoy bayraa ra.

Kolos borey batagaa 4:5

Wa dira nda lakkal taray borey game, wa goy nda waatoo kaŋ war duu a.

Tesalonik borey bataga 1na 2:12

Ir na war hoyray ka war biney daŋ. Ir gaabandi war ga war ma dira nda taka kaŋ ga hima Irkoy jine, nga kaŋ ga war cee nga Laamaa ra nda nga daržaa se.

Tesalonik borey bataga 1na 4:1

Aywa ir armey, takaa kaŋ nda war ga hima ka dira hala war ma duu ka kan Irkoy se, ir nʼa cawandi war se. Nda cimi, takaa din da nda war ga dira. Ir gʼa wiri war ga, ir ga war hoyray ir Koyoo Isa maaɲoo ra war ma koy jine a ra.

Yehiya bataga 1na 1:7

Amma nda ir ga dira gaayoo ra sanda takaa kaŋ nda nga hunday goo gaayoo ra, ir nda cere goo margaroo ra, nga Izʼaroo Isa kuroo ga zunubu kul kaa ir ga kʼir henanandi.