Šintinoo 49:4 - Songhai de Gao Bible

⁴ Nʼga zarga sanda hari, woo se nʼsi tee jineboraa koyne! Zama ni žigi ni baabaa kanidogoo boŋ, nʼnʼa kaynandi. A žigi ay daaroo boŋ!

Šintinoo 49:4 ပူးပေါင်းရင်းမြစ်များ

Šintinoo 35:22

Izirayel goraa ra, nongoo din ra, Rubeŋ koy marga nda Bilha kaŋ ti nga baabaa wahayoo. Izirayel maarʼa. Yakuba sii nda kala izʼaru woy cindi hinka (12).

Šintinoo 46:8

Izirayel izey maaɲey ne: Yakuba nda nga hayroo kaŋ koy Misira. Yakuba ize jinaa ti Rubeŋ.

Taarikey 1na 5:1

Izirayel izʼaru jinaa ti Rubeŋ, amma kaŋ a marga nda nga baabaa alaayanoo ka baaboo kaynandi, woo ka kate izejinawtaraa ma nondi Isufi izʼarey se, Isufi ti Izirayel izʼaroo. Woo ka kate Rubeŋ mana laasaabandi izʼaru jinaa.

Korent borey bataga 1na 5:1

Nongoo kul ra boro ga maa kaŋ woy nda aru izefututaray ga tee war game, woy nda aru izefututaray dumi kaŋ si diyandi ba kutakey game, war affoo ga marga nda nga baabaa wandoo.

Alhukumoo 27:20

Boraa laali kaŋ ga kani nda nga baabaa wandoo, zama a nka nga baabaa kaynandi. Jamaa kul ga nee: ‹Amin.›

Alhukumoo 33:6

Yala Rubeŋ ma huna, yala a masi buu, ba nda nga borey hinnaa ga kacca.

Alhukumoo 5:21

Masi ni cinaa wandoo boonay, masi moo daŋ ni cinaa hugoo ra, wala nga faaroo, wala nga baɲɲaa, wala nga koŋŋaa, wala nga hawoo, wala nga farkaa, wala haya kul kaŋ ti ni cinaa wane.›

Piyer bataga 2to 2:14

Moɲey ga too met nda woy kaŋ ga zina, i si fay nda zunubu teeyan. I ga borey derandi kaŋ mana nin, biney nin albahiiritaray ra, danganteyaŋ no.

Piyer bataga 2to 3:16

Woo ti haya kaŋ a gʼa tee nga batagawey kul kaŋ ra a ga šelaŋ hayey wey ga. Nonguyaŋ goo i ra kaŋ fahamyanoo ga šendi kaŋ lakkal jaŋantey nda borey kaŋ mana nin gʼi šiirandi sanda takaa kaŋ i gʼa tee Citaaboo hantumey jerey se ngi boŋ halaciroo se.