Šintinoo 48:19 - Songhai de Gao Bible

¹⁹ Baaboo wanji, a nee: «Ay ga bay, ay izoo, ay ga bay, a ga tee jama, nga mo ga tee boro beeri. Amma nga kaynoo ga beeri nda a, de nga hayroo ga dumi boobo tee.»

Šintinoo 48:19 ပူးပေါင်းရင်းမြစ်များ

Šintinoo 17:4

«Agay, agay amaanaa ne kaŋ ay gʼa noo ma ne: nʼga tee dumi boobo se hayraa.

Šintinoo 25:23

Abadantaa nʼa zaabi ka nee: «Dumi hinka bara ni gundoo ra. Jama hinka ga hun ni gundoo ra kaŋ ga fay. Jama faa goo nda gaabi ka bisa ceroo. Ibeeroo ga yee ikaccaa cire.»

Šintinoo 25:28

Isiyaka si baa kala Eso, zama hamey kaŋ a gʼi hoo ga kan miɲoo ra. Amma Rebeka si baa kala Yakuba.

Šintinoo 28:14

Ni hayroo ga boobo sanda labutaasi. Ni laboo laamaa ga koy too gandaa kanjey kul: kʼa dii dangay nda dandi here ka koy hawsa nda gurma here. Ni nda ni hayroo ra, aduɲɲa alaayan beerey kul ga duu albarka.

Šintinoo 46:3

Irkoy nee a se: «Agay ti Irkoy, ni baabaa Koyoo. Masi hunbur ka doo Misira, zama ay ga ni tee dumi beeri no din ra.

Šintinoo 48:14

Izirayel na nga kabe gumaa šerre kʼa fur Efrayim kaŋ ti kayne boŋoo ga, a na nga kabe waawaa fur Manase boŋoo ga. A nka nga kabey bere cere se, zama Manase ti beere.

Šintinoo 48:18

Woo banda ga, a nee nga baabaa se: «Manʼti takaa woo no, ay baabaa! Zama woo ti beere, ni kabe gumaa fur boŋoo ga.»

Alhukumoo 1:10

Abadantaa, war Koyoo na war boobandi, nga ne, hõ war ga boobo sanda beenaa handarawey.

Alhukumoo 33:17

Nga yaaroo ize jinaa no, darža ma bara a ga. Nga hilley si hima nda kala ganjihaw hilliyaŋ. Ngi nda a ga dumey kar, laboo kanjey kul. Woo ti Efrayim boro zenber woy woyyaŋ, woo ti Manase boro zenberyaŋ.»

Bangandiroo 7:6

Ašer alkabiilaa boro zenber woy cindi hinka (12.000). Neftali alkabiilaa boro zenber woy cindi hinka (12.000). Manase alkabiilaa boro zenber woy cindi hinka (12.000).

Bangandiroo 7:8

Zabuloŋ alkabiilaa boro zenber woy cindi hinka (12.000). Isufi alkabiilaa boro zenber woy cindi hinka (12.000). Benžameŋ alkabiilaa boro zenber woy cindi hinka (12.000).