Šintinoo 48:18 - Songhai de Gao Bible

¹⁸ Woo banda ga, a nee nga baabaa se: «Manʼti takaa woo no, ay baabaa! Zama woo ti beere, ni kabe gumaa fur boŋoo ga.»

Šintinoo 48:18 ပူးပေါင်းရင်းမြစ်များ

Šintinoo 19:18

Lotu nʼi zaabi ka nee: «Kalaa, ay koyoo!

Šintinoo 27:15

Woo banda ga, Rebeka na nga ize jinaa Eso bankaarawey kul ihennaa zaa kaŋ ga jisi a do hugoo ra. A nʼi daŋ nga ize hinkantoo Yakuba ga.

Šintinoo 29:26

Labaŋ zaabi ka nee: «Ir nongoo kaniroo ra, boro si kayne hiijandi ka beere naŋ.

Šintinoo 43:33

I na armey gorandi i mʼa tenje, kʼa dii ibeeroo ga ka koy koddaa ga. I ga cere guna nda almunkar.

Šintinoo 48:17

Isufi dii kaŋ nga baabaa na nga kabe gumaa fur Efrayim boŋoo ga, a mana kan a se. A na nga baabaa kaboo zaa ka nee nga gʼa kaa Efrayim boŋoo ga ka fur Manase wanoo ga.

Šintinoo 48:19

Baaboo wanji, a nee: «Ay ga bay, ay izoo, ay ga bay, a ga tee jama, nga mo ga tee boro beeri. Amma nga kaynoo ga beeri nda a, de nga hayroo ga dumi boobo tee.»

Šintinoo 49:3

Rubeŋ, ni ti ay izʼaru jinaa, agʼalfaydaa nda ay gaabi jina-jinawey ra ay duu ni, ni beeraa nda ni hinoo bisa ni armey waney.

Fattaroo 10:11

A si tee nda takaa woo. Adiši war kaŋ ti arey, wa koy Abadantaa gana, zama woo din no war gʼa ceeci.» Woo ga, i nʼi gaaray ka hun Firawuuna do.

Matiyu 25:9

Lakkalkoyney zaabi ka nee: ‹Kalaa, a si too ir nda war. Wa koy maamalakey do ka day war boŋ se.›

Teegoyey 10:14

Piyer nee a se: «Abada, ay Koyoo, zama ya na bay ka haya žiibi wala iharramante ŋaa!»

Teegoyey 11:8

Ay nee: ‹Abada, ay Koyoo, zama haya žiibi wala iharramante mana bay ka huru ay miɲoo ra!›