Šintinoo 47:29 - Songhai de Gao Bible

²⁹ Waatoo kaŋ Izirayel man buuyan, a na nga izoo Isufi cee, a nee a se: «Ay gʼa wiri ni ga, alhormo tee ya ne, ma ni kaboo daŋ ay ceehamoo cire ka allaahidu zaa ya ne nda baji nda laadirtaraa kaŋ nʼsʼay sutura Misira.

Šintinoo 47:29 ပူးပေါင်းရင်းမြစ်များ

Šintinoo 24:2

Ibirahima nee nga tamoo se kaŋ žen nga hugoo tamey kul kaŋ kone nga almanoo kul goo: «Ay gʼa wiri ni ga, ni kaboo daŋ ay ceehamoo cire,

Šintinoo 24:49

Sohõ, nda war ga baa war ma alhormo naanayante tee ay koyoo se, war mʼa har ya ne. Nda manʼti nga, war mʼa har ya ne hala ya bay kabe kaŋ ga ay ga koy.»

Šintinoo 27:2

Isiyaka šelaŋ a se ka nee: «Nga ne, ay žen, ay sʼay buuyanoo zaaroo bay.

Šintinoo 3:19

Ni sungaa ra nʼga duu ni meeŋaaroo hala ma yee laboo kaŋ ra ni zandi, zama labu ti ni, de mo laboo ra nʼga yee.»

Šintinoo 47:9

Yakuba na Firawuuna zaabi ka nee: «Ay yawtaraa jiirey manʼti kala zangu nda waranza (130). Ay hunaroo jiirey ga kacca i ga laala, i mana too jiirey kaŋ ay kaagey duu ey ngi yawtaraa ra.»

Šintinoo 48:21

Izirayel nee Isufi se: «Agay ne buuyan mee ga, Irkoy goo war bande, de a ga war yeeti war hayragey gandaa ra.

Šintinoo 50:12

Izirayel izʼarey nʼa tee nda takaa kaŋ nda a nʼi yaamar.

Šintinoo 50:5

‹Ay baabaa nkʼay žeendi ka nee kaŋ nga ne, buuyan mee ga, nga saaraa kaŋ nga nʼa soolu Kanaŋ gandaa ra, no din ra ya nga sutura.› Sohõ ay ga baa ya žigi ka koy ay baabaa sutura, de ya yee kate.»

Samiyel 2to 14:14

Šikka sii ir ga buu, sanda takaa kaŋ nda hari kaŋ mun laboo ga si kuunandi. Irkoy si baa nga ma hundi kaa, amma a nka dabari tee kaŋ ra boro kaŋ i nʼa gaaray kʼa moorandi nga, ma yee kate nga ga.

Samiyel 2to 2:32

I na Asayel bukaa ka koy, i nʼa sutura nga baabaa saaraa ra Betelehem. Žowab nda nga borey na cijinoo kul tee i ga dira, i too Hebroŋ moo booyan ga.

Samiyel 2to 7:12

Waati kaŋ ni zaarey ben, de ni koy kani ni hayragey bande, ni banda ga, ay ga ni hayroo, woo kaŋ hun ni hamoo ra tabatandi kokoytaraa ra.

Kokoyey 1na 2:1

Waatoo kaŋ Dawda man buuyan, a na nga šenni kokorantey har Sulaymaana se, a nee:

Ayuba 14:14

Nda a gar nda boro buu a mma hin ka yee ka huna, zaari kul goyey ra ay ga batu, hala waati kaŋ boro huru ay dogoo ra.

Ayuba 30:23

Ay ga bay, ni mma mʼay ka koy buuyan ga kaŋ ti nongoo kaŋ ra hundikoyney kul ga koy.

Ayuba 7:1

«Wongu-izetaray manʼti adamize wane laboo ga wala? Nga hunaroo manʼti kala sanda goykaw kaŋ ga banandi wala?

Zaburey 49:7

Ngi kabehayey ra i ga ngi naanaa daŋ ka fooma nda ngi alman beeroo.

Zaburey 49:9

Ngi hundoo hayoo ga hanse ka boobo banayan se, a si hin ka teendi abada.

Zaburey 6:5

Abadantaa, bere ay here kʼay feeri, ay hallasi ni borohennataraa maaganda se.

Zaburey 89:48

Hongu kaŋ ay sii nda aloomur, nʼna adamizey taka kʼi tee haya yaadayaŋ.

Alhukumoo 31:14

Abadantaa nee Musa se: «Ni buuroo waatoo man. Žozuwe cee, war ma kay cere kubayyan hukkumoo ra. Ay gʼa noo ay yaamarey.» Musa nda Žozuwe koy kay cere kubayyan hukkumoo ra.

Alhukumoo 31:16

Abadantaa nee Musa se: «Nʼga koy ni baabey gar alaahara. Jamaa woo ga koy izefututaray tee koy waaniyaŋ bande, wey kaŋ goo gandaa kaŋ ra i ga huru. I gʼay naŋ, i ga agay amaanaa dunbu kaŋ ay nʼa daŋ agay nda ey game.

Eberewey batagaa 11:22

Naanayyan ka kate, waatoo kaŋ Isufi buuyanoo man, a šelaŋ Izirayel borey fattayanoo ga Misira ra. A na yaamar noo nga birey here.

Eberewey batagaa 9:27

A dunbandi kaŋ adamize kul si buu kala cee folloku jina ciitoo ma kaa.

Žozuwe 2:14

Arey nee a se: «Ir ga žee ma ne, kullihinne ir ga huna, haya kul si duu war, nda war mana šennoo woo fee. Waati kaŋ Abadantaa nʼir noo gandaa, ir ga borohennataray tee ma ne, ir ga laadir ni here.»

Žozuwe 23:14

Nga ne, hayaa kaŋ gʼay batu goo hundikoyni kul jindoo ga. Sohõ ay koyroo waatoo too. War ma war binoo kul nda war hundoo kul ka bay kaŋ šenni henney kul kaŋ Abadantaa nʼi har war ga, ba affoo mana cindi kaŋ mana tee, i kul teendi war ga, affoo mana cindi kaŋ mana teendi.

Samiyel 1na 26:10

Dawda nee koyne: «Ay ga žee nda Abadantaa kaŋ ga huna maaɲoo, Abadantaa no ma hin kʼa kar, nga waatoo mma too a ma buu, wala a ma doo wongoo ra i mʼa halaci.