Šintinoo 47:28 - Songhai de Gao Bible

²⁸ Yakuba huna jiiri woy cindi iyye (17) Misira gandaa ra. Aloomuroo kaŋ Yakuba duu a manʼti kala jiiri zangu nda woytaaci cindi iyye (147).

Šintinoo 47:28 ပူးပေါင်းရင်းမြစ်များ

Šintinoo 25:7

Aloomuroo kaŋ Ibirahima duu a manʼti kala jiiri zangu nda woyye cindi guu (175).

Šintinoo 37:2

Yakuba hayroo fillaa ti woo. Waatoo kaŋ Isufi goo nda jiiri woy cindi iyye (17), a ga koy almaney kur, nga nda nga armey. Zankaa woo ga hanga nga baabaa foo izey bande kaŋ ti Bilha nda Zilpa izʼarey. A ga ngi šenni laaley ka too ngi baabaa do.

Ezra 2:38

Pašehur hayroo hinnaa ti: boro zenber foo nda zangu hinka nda woytaaci cindi iyye (1.247).

Zaburey 119:84

Macin ti agay, ni tamoo aloomuroo hinnaa? Waati foo no nʼgʼay gurzugaykey ciiti?

Zaburey 90:10

Ir aloomuroo ga koy too jiiri woyye (70), boro yakuwantey jiiri woyyaaha (80), woo se ngi bolsayyanoo si kate kala bone nda ifutu, zama hunaroo ga bisa, ir ga tee sanda hew.

Zaburey 90:12

Ir cawandi ir mʼir aloomuroo zaarey kabu hala ir biney ma dira nda lakkal.