Šintinoo 43:18 - Songhai de Gao Bible

¹⁸ Amma arey hunbur, zama i nkʼi ka koy Isufi hugoo do, i nee: «Nooroo kaŋ i nʼa yeeti ir saakey ra cee jinaa, nga se i kate iri ne ra, ka kaŋ ir ga, kʼir gurzugay, kʼir tee sanda baɲɲayaŋ, kʼir farkey kom.»

Šintinoo 43:18 ပူးပေါင်းရင်းမြစ်များ

Šintinoo 42:21

I nee cere se: «Nda cimi, ir armaa alhakoo goo ir ga, zama ir dii nga binemarayyanoo waatoo kaŋ a gʼir suurandi, amma ir mana yadda! Woo ti hayaa kaŋ se bonaa woo kaŋ ir boŋ.»

Šintinoo 42:27

Nongoo kaŋ ra i na cijinoo tee, ngi affoo na nga saakoo feeri ka nga farkaa noo ŋaayan, de a dii kaŋ nooroo goo saakoo miɲoo ga.

Šintinoo 42:28

A nee nga armey se: «Ay nooroo yee ay ga, nga ne ay saakoo ra.» Biney dunbu, de i ga jijiri ka nee cere se: «Cin ti woo kaŋ Irkoy nʼa tee ir se?»

Šintinoo 42:35

Waatoo kaŋ i ga taasey kaa saakey ra, nga ne, affoo kul nga nooroo hawaroo goo nga saakoo ra. Kaŋ ngi nda ngi baabaa dii nooru hawarey, kul i hunbur.

Šintinoo 43:17

Aroo na hayaa tee kaŋ a nʼa har, a nʼi ka koy Isufi hugoo do.

Šintinoo 43:19

I man Isufi goykaa ka šelaŋ a se hugoo miɲoo ga.

Šintinoo 44:8

Nga ne, nooroo kaŋ ir nʼa gar ir saakey miɲey ga, ir nʼa ka kaa ma ne ka hun Kanaŋ gandaa ra. De taka foo nda ir ga yadda ka zay ni koyoo hugoo ra, a ma tee nzorfu kaaray wala wura!

Ayuba 15:21

Kaati kaŋ ga hunburandi ga hẽe haŋawey ra, ba alaafiya waati kayrakaw ga kaŋ a ga.

Ayuba 30:14

I na fun beeri kaa cetaa ra ka kaa ay ga, i ga koy, i ga kaa sanda nongu kaŋ say ra.

Zaburey 53:5

Wey kaŋ ga šerretaray jaŋay tee sii nda lakkal, ngi kaŋ ga ay jamaa ŋaa sanda ŋaayan, i si Irkoy wiri.

Zaburey 73:16

Ay miile ka faham woo se, a tee ay moɲey ra farayan

Marku 6:16

Kaŋ Herod maa hayey wey, a nee: «Yehiya kaŋ ay na boŋoo kaa jindoo ga, nga no ka tun!»

Rom borey batagaa 7:8

Yaamaroo bande zunubu duu fondo ka boonay futu dumi kul tunandi ay ra. Ka gar nda manʼti ašariyaa sii a ra, zunubu manʼti kala bukaw.

Alhukumoo 22:14

nda a na attabiya futu har a ga ka maaɲoo futandi ka nee: ‹Ay na woyoo woo zaa, ay marga nda a, ya na kabe gar a ga.›

Alhukumoo 22:17

Nga ne, a na šenniyaŋ har nga attabiyaa ga ka nee: “Ya na dii ni ize woyoo ga kabe silbawey.” Ka gar ay ize woyoo kaboo silbawey ne zaara ga.› I ga zaaraa daaru koyraa boro beerey jine.

Alkaaley 13:22

Manowa nee nga wandoo se: «Šikka sii ir ga buu, zama ir dii Irkoy.»

Alkaaley 14:4

Baaboo nda ɲaŋoo si bay kaŋ hayaa kaŋ Samsoŋ nʼa wiri, haya no kaŋ hun Abadantaa do, zama yenje no Abadantaa ga ceeci Filisti borey ga. Alwaatoo din, Filisti borey goo Izirayel boŋ.