Šintinoo 41:32 - Songhai de Gao Bible

³² Ni handiroo kaŋ filla cee hinka manʼti kala hayaa no kaŋ Irkoy nʼa kayandi, koyne mo Irkoy gʼa tee nda cahãyan.

Šintinoo 41:32 ပူးပေါင်းရင်းမြစ်များ

Šintinoo 37:7

Ir mma goo ma jeeni terenjiyaŋ haw faarey ra kaŋ dogoo din da ay terenjoo tun ka kay nga boŋ ga, war waney gʼa kuubi kʼa bere, de i ga gunguma jinoo ra.»

Šintinoo 37:9

A yee ka handiri koyne, de a nʼa filla nga armey se. A nee: «Ay na handiri foo tee koyne. Handiroo ra ay dii waynaa nda handoo nda handaray woy cindi foo (11) ga gunguma ya ne.»

Šintinoo 41:25

Isufi nee Firawuuna se: «Ni handirey manʼti kala afolloku. Hayaa kaŋ Irkoy gʼa tee, nga no a nʼa bayrandi ni kaŋ ti Firawuuna se.

Šintinoo 41:28

Hayaa da kaŋ ay nʼa har ma ne no, Irkoy nka hayaa cebe ma ne kaŋ a gʼa tee.

Šintinoo 41:31

Heraa gaaboo se, boro si ba bay wala duuray bay ka tee gandaa ra.

Kabuyaney 23:19

Irkoy manʼti adamize kaŋ ga hin ka taari, a manʼti boro kaŋ ga hin ka nimsi. Haya kaŋ a nʼa har, a sʼa tee wala? Šenni kaŋ a nʼa har, a sʼa too wala?

Matiyu 24:35

Beenaa nda laboo ga dere, amma ay meešenney si dere abada.»

Matiyu 25:34

Woo banda ga, kokoyoo ga nee borey kaŋ goo nga kabe gumaa here se: ‹Wa kaa, war kaŋ ay Baabaa Irkoy na albarka daŋ war ra. Wa Laamaa tubu kaŋ soolandi war se za aduɲɲa daaruroo ga,

Matiyu 25:41

Woo banda ga, a ga nee borey kaŋ goo nga kabe waawaa here se: ‹Wa hun ay ga, dangantey! Wa koy nuune abadantaa ra kaŋ soolandi Ibilisi nda nga dontokey se,

Marku 10:40

amma ka goro ay kabe gumaa wala iwaawaa ga, manʼti agay no mʼa kayandi. A si nondi kala borey kaŋ se Irkoy nʼa soolu.»

Korent borey bataga 1na 2:9

Sanda takaa kaŋ nda a hantumandi Citaaboo ra ka nee: «Haya kaŋ moo mana dii a, de mo haŋa mana maarʼa, haya kaŋ adamize binoo mana bay kʼa miile, woo ti hayaa kaŋ Irkoy nʼa soolu borey se kaŋ ga bagʼa.»

Korent borey bataga 2to 13:1

Cee hinzantoo ti woo kaŋ ay ga koy war do. «Ciiti kul masi dunbandi kala seede hinka wala ihinza seedetaraa ga.»

Bangandiroo 9:15

Almalayka taacaa taŋandi kaŋ soolandi waatoo, nda zaaroo, nda handoo, nda jiiroo se ka adamizey hinnaa zamna hinzaa affoo wii.