Šintinoo 4:14 - Songhai de Gao Bible

¹⁴ Nga ne, hõ nʼnʼay gaaray kʼay kaa laboo ga. Ay ga hima ka tugu ma ne. Ay ga tee soomasoomante kaŋ ga windi-windi aduɲɲa ra. Boro kul kaŋ duu agay gʼay wii.»

Šintinoo 4:14 ပူးပေါင်းရင်းမြစ်များ

Šintinoo 3:24

A nʼi gaaray i ma koy taray. A na almalaykayaŋ kaŋ se i ga nee šerib nda takuba kaŋ ra nuune ga fatta kaŋ ga bere-bere, gorandi Edeŋ saddiɲaa waynahunay kaboo ga hala i ma borey ganji i ma koy tuuroo kaŋ ga hunayan noo do.

Šintinoo 4:13

Kabila nee Abadantaa se: «Ay zukandoo ga hanse ka tiŋ ya ne.

Samiyel 2to 14:7

Woo se ay kurɲoo alaayan beeroo kul tun ay ga ka nee: ‹Ir noo boraa kaŋ na nga armaa wii, ir gʼa wii, nga armaa hundoo kaŋ a nʼa kaa maaganda, nga kaŋ ti tubukaa, ir gʼa derandi.› Woo ra i ga jitoo derandi kaŋ cindi ya ne, maa si cindi ay kurɲoo se, hayyan si cindi a se laboo ga.»

Zaburey 109:10

Yala nga izey ma tee yaara-yaarakawyaŋ, i ma fatta ngi hugu kayraa ra ka koy gariibu,

Zaburey 109:12

Yala boro kul masi borohennataray cebe a se, yala boro kul masi alhormo tee nga alyatimey se!

Zaburey 143:7

Abadantaa, ay zaabi tanba! Ay binoo hun. Masi ni ndumoo tugu ya ne, nda manʼti woo, ay ga hima nda borey kaŋ ga zunbu saaraa guusoo ra.

Yaasawey 14:32

Boro laala, goy futaa no mʼa kaŋandi, boro šerrante ga duu nongu kaŋ ra a ga nga boŋ tugu ba nga buuyanoo ra.

Yaasawey 28:1

Boro futu ga zuru ka gar boro kul sii a bande, boro šerrantey ga lakkalkanay sanda ganjihayla soogo.

Sargarey 26:17

Ay gʼay ndumoo bere war se: war ga karandi war iberey jine, borey kaŋ ga konna war ga kaa ka žigi ka koy war ga. War ga zuru bila nda boro ma war gaaray.

Sargarey 26:36

Borey kaŋ ga cindi war ra, ay ga alkubutaray daŋ biney ra nga iberey gandawey ra, tuuri fita kaŋ hewoo na zaa jindoo gʼi zurandi. I ga zuru sanda takaa kaŋ nda boro ga zuru takuba se. I ga kaŋ ka gar boro manʼi gaaray.

Kabuyaney 35:19

Bukaa faasakaa, nga no ma boro wiikaa wii, za a nʼa kubay, a mʼa wii.

Kabuyaney 35:21

wala nda a na kabe kʼa kar nda binefutay, de a buu, boraa kaŋ kara šikka sii ga wiiyandi, boro wiikaw no, boraa kaŋ ga hima ka faasa bukaa se, nga no ma boro wiikaa wii za a nʼa kubay.

Kabuyaney 35:27

de bukaa faasakaa duu a koyraa kaŋ ga a na nga boŋ talfi hirrey banda ga, nda bukaa faasakaa na boro wiikaa wii, i sʼa hãa nda nga kuroo alhakoo.

Matiyu 25:41

Woo banda ga, a ga nee borey kaŋ goo nga kabe waawaa here se: ‹Wa hun ay ga, dangantey! Wa koy nuune abadantaa ra kaŋ soolandi Ibilisi nda nga dontokey se,

Matiyu 25:46

Wey ga koy zukandi abadantaa ra, amma boro šerrantey ga koy hunayan abadantaa ra.›»

Alhukumoo 28:64

Abadantaa ga ni say dumey kul ra, laboo boŋ foo ga ka koy boŋ faa ga. No din ra nʼga koy tanayaŋ kaŋ ti bundu nda tondi gana kaŋ ni, nʼsʼi bay, ni baabey sʼi bay.

Alhukumoo 28:65

Dumey din game nʼsi duu alaafiya, nʼsi duu baa, ba nongu kaŋ ra ni cewey ga duu hunanzamay. No din ra Abadantaa si ni binoo yaynandi. Ni moogunaa ga kacca, ni tammahãa ga hun.

Tesalonik borey bataga 2to 1:9

I ga duu zukandi kaŋ ti halaciyan abadante kaŋ ga mooru ir Koyoo ndumoo nda nga darža gaabantaa,