Šintinoo 4:10 - Songhai de Gao Bible

¹⁰ Irkoy nee a se: «Cin ti woo kaŋ nʼnʼa tee? Ni armaa kuroo na ni wurru za laboo ga hala ay do.

Šintinoo 4:10 ပူးပေါင်းရင်းမြစ်များ

Šintinoo 18:20

Woo banda ga, Abadantaa nee Ibirahima se: «Hayey kaŋ borey gʼi har Sodom nda Gomor ga hanse ka boobo, ngi zunubey hanse ka laala

Šintinoo 3:13

Irkoy Abadantaa nee woyoo se: «Cin ti woo kaŋ nʼnʼa tee?» Woyoo nʼa zaabi ka nee: «Gondoo kʼay darga, woo ka kate yʼa ŋaa.»

Šintinoo 9:5

Amma mo, war kuroo kaŋ ti war hunaroo, boro kul kaŋ a nʼa mun, ay gʼa hãa nda a. A ma tee adabba wala adamize. Adamize foo kul ay gʼa hãa nda nga cinaa hundoo.

Kokoyey 2to 9:26

‹Bi ay dii Nabot nda nga izʼaroo kuroo kaŋ nʼnʼa mun, nga cine no ay gʼa tee ni mo se faari follokaa woo da ra. Agay, Abadantaa kʼa har.› Woo maaganda se, a zaa kʼa warra faaroo ra, ka sawa nda Abadantaa šennoo.»

Taarikey 2to 28:9

Nongoo din ra Abadantaa annabi goo kaŋ maaɲoo ti Obed. A fatta ka koy wongu-ize jamaa kaŋ ne ka kaa Samari kubay. A nee i se: «Abadantaa, war baabey Koyoo futu Žuda borey ga, a nʼi daŋ war kabey ra, war nʼi halaci nda futay kaŋ too hala beenaa ra.

Ayuba 16:18

‹Laboo, masʼay kuroo daabu!› Ay kaatoo masi hewgubandi!

Ayuba 24:12

Koyraa ra borey kaŋ ga buu ga yooyo, borey kaŋ maray ga hẽe, i ga kaati ka faaba ceeci, amma a mana tee Irkoy se haya kul.

Zaburey 50:21

Woo ti hayaa kaŋ nʼnʼa tee, amma ay dangay, ni nka hongu kaŋ ni cinaa ti agay, amma ay ga citi ni ga, ka ni teegoyey kaataray ni moɲey cire.»

Zaburey 72:14

A gʼi feeri kʼi kaa tooɲekey nda ifutawey kabey ra, ngi kuroo manʼti kala haya beeri a do.

Zaburey 9:12

Wa don ka Abadantaa saabu kaŋ ga goro Siyoŋ koyraa ra, wa nga teegoyey har jamawey ra.

Zaburey 9:13

Zama a ga boro banandi kaŋ na kuri mun, a ga hongu ey, a mana dirɲa borey kaŋ ga taabi wurroo.

Fattaroo 3:7

Abadantaa yee ka nee: «Ay dii, ay dii ay jamaa torraa Misira gandaa ra, ngi kaatiroo kaŋ i gʼa tee ngi waazibi goyey juwalkey maaganda se, ay maarʼa, ay ga bay kaŋ i goo hottay ra.

Kabuyaney 35:33

War masi gandaa kaynandi kaŋ ra war ga goro, zama kuri no ma gandaa kaynandi. Boro si hin ka kuroo kaŋ mun gandaa ra zunuboo tuusu nda manʼti kala nda boraa kaŋ nʼa mun kuroo.

Teegoyey 5:3

Piyer nee a se: «Ananiyas, macin se Ibilisi na ni binoo too hala nongu kaŋ ra nʼga taari Hundi Henanantaa se ka lanbandi farroo hayoo ra?

Teegoyey 5:9

Piyer nee a se: «Macin se war waafaku kʼir Koyoo Hundoo sii? Nga ne, kabey kaŋ na ni kurɲoo sutura goo hugoo miɲoo ga, i ga koy nda ni.»

Alhukumoo 21:1

«Nda gandaa kaŋ Abadantaa, ni Koyoo gʼa noo ma ne mʼa mayray ra boro kaŋ i nʼa wii garandi hawsaa ra bila nda boraa kaŋ nʼa wii ma bayrandi,

Eberewey batagaa 11:4

Naanayyan ka kate Habila ma sargari kaa Irkoy maaɲoo ga kaŋ baa Kabila wanoo. Naanayyanoo woo se seedetaray teendi a ga kaŋ boro šerrante no. Irkoy na seedetaray tee nga nooyaney ga. Woo maaganda se, ba kaŋ a buu, a ga šelaŋ.

Eberewey batagaa 12:24

War too Isa do kaŋ ti amaana taaga waafakandikaa, nda kuroo ga kaŋ sayandi kaŋ ga šelaŋ ka bisa Habila wanoo.

Žak batagaa 5:4

Nga ne, goykey kaŋ goy war faarey hegaa ra, war na ngi banaa dii, banaa kaati, hegaykey kaatoo huru hala ir Koyoo, Aduɲɲakoyoo haŋaa ra.

Žozuwe 7:19

Žozuwe nee Akaŋ se: «Ay izoo, ay gʼa ŋaaray ni ga, ma Abadantaa, Izirayel Koyoo beerandi, yadda ni layboo ga a jine. Hayaa har ya ne kaŋ nʼnʼa tee, masi haya kul tugu ya ne.»

Samiyel 1na 13:11

Samiyel nee: «Cin no nʼnʼa tee?» Sawul nee: «Waatoo kaŋ ay dii kaŋ jamaa goo ma say-say kʼay naŋ, waatoo too mana kaa, de mo Filisti borey goo ma marga Mikmas,