Šintinoo 37:4 - Songhai de Gao Bible

⁴ Kaŋ nga armey ga dii kaŋ ngi baabaa ga bagʼa ka bisa ngey kul, i konna a, de i si hin ka šelaŋ a se nda baji.

Šintinoo 37:4 ပူးပေါင်းရင်းမြစ်များ

Šintinoo 27:41

Eso konna Yakuba, gaararoo maaganda se kaŋ baaboo nʼa tee a se. Eso nee nga boŋ se: «Ay baabaa buuyanoo waatoo man, ay ga agʼarmaa Yakuba wii.»

Šintinoo 37:11

Isufi armey canse a ga, amma baaboo gaabu šennoo ga.

Šintinoo 37:5

Isufi handiri, de a nʼa deede nga armey se, woo yee ka kate i ma konna a ka tonton.

Šintinoo 4:5

Amma Kabila nda nga sargaroo mana kan a se. Kabila hanse ka futu hala ndumoo nka bibi cere ra.

Šintinoo 49:23

Birawkarkey nʼa tooɲe, i nʼa kar, i nʼa yenje,

Zaburey 38:19

Zama ay gʼay layboo har, ay ga dor ay zunubey maaganda.

Zaburey 69:4

Wurru se ay fara, ay kormollaa kogu, ay moɲey fara nda ay Koyoo batuyan.

Marku 3:25

Hugu kaŋ izey dunbu, hugoo din si hin ka kay.

Tit batagaa 3:3

Zama ir mo, waatoo din ir manʼti kala lakkal jaŋanteyaŋ, turanteyaŋ, darganteyaŋ. Ir na boonay futu nda bine-ibaayi dumi-dumiyaŋ tee ir goyoo. Ir dira laalay nda canseyan ra. Borey nʼir konnay, ir konna cere.

Yehiya bataga 1na 2:11

Boro kaŋ ga konna nga armaa sii kala kubaa ra, a si dira kala kubaa ra, a si bay nongu kaŋ ra nga ga koy, zama kubaa nka moɲey danandi.

Yehiya bataga 1na 3:10

Hayaa ne kaŋ ga Irkoy izey nda Ibilisi izey fay: boro kul kaŋ si goy nda šerretaray mana hun Irkoy ga, nda boro mo kaŋ si baa nga armaa.

Yehiya bataga 1na 3:12

Ir masi tee sanda Kabila kaŋ hun boro laalaa ga kaŋ ti Ibilisi kaŋ na nga armaa wii. Macin se a nʼa wii? Zama nga teegoyey si boori, de nga armaa waney ga šerre.

Yehiya bataga 1na 4:20

Nda boro nee: «Ay ga baa Irkoy», amma a ga konna nga armaa, taariharkaw no. Zama boro kaŋ si baa nga armaa kaŋ a ga dii a, taka foo nda a ga hin ka baa Irkoy kaŋ a si dii a?

Samiyel 1na 17:28

Eliyab, Dawda beerʼaroo kaŋ ga maa Dawda ga šelaŋ arey bande futu Dawda ga. A nee: «Macin se ni zunbu kate, may no nʼnʼa naŋ alman kur kaccaa din do saajoo ra? Agay, ay ga ni moo-izetaraa nda ni anniya laalataraa bay. Hala ma duu ka dii wongoo, nga se ni zunbu kate ne ra.»