Šintinoo 37:35 - Songhai de Gao Bible

³⁵ Nga izʼarey nda ize woyey kul tun ka koy ka binoo yaynandi, amma a wanji ka dangay. A nee: «Hẽenoo ra ay ga koy agʼizʼaroo gar alaahara.» A cindi a ga hẽe.

Šintinoo 37:35 ပူးပေါင်းရင်းမြစ်များ

Šintinoo 25:8

Woo banda ga, hundoo hun, a faati. A duu aloomur kuku, a koy nga hayragey gar alaahara.

Šintinoo 31:43

Labaŋ na Yakuba zaabi ka nee: «Woyey wey manʼti kala ay ize woyey, ngi izey manʼti kala ay haamawey, almaney wey manʼti kala agay wane. Hayey kul kaŋ nʼga dii ey manʼti kala agay wane. Sohõ macin no ay gʼa tee ay ize woyey nda ay haamawey kaŋ i nʼi daŋ aduɲɲa ra se?

Šintinoo 35:29

Isiyaka hundoo hun, a faati. A duu aloomur kuku, a koy nga hayragey gar alaahara. Nga izʼarey Eso nda Yakuba nʼa sutura.

Šintinoo 42:31

Ir nee a se: ‹Boro šerranteyaŋ ti ir, ir manʼti monnokawyaŋ.

Šintinoo 42:38

Amma a nee: «Ay izʼaroo si doo war bande, nga armaa nka buu, nga foo ka cindi. Nda albasi duu a diraa ra, binehẽeni nda war gʼay žeenayyanoo zumandi alaahara.»

Šintinoo 45:28

Izirayel nee: «Isufi, agʼizʼaroo ga huna, woo wasa ya ne! Ay ga koy, de ay ga dii a za ya na buu!»

Šintinoo 48:11

Izirayel nee Isufi se: «Ya na hongu wala ay ga dii ni koyne, amma nga ne, Irkoy nʼay cebe ba ni hayroo.»

Samiyel 2to 12:17

Nga hugoo boro beerey hanse kʼa wiri a ga, a ma tun laboo ra, a mana yadda, de mo a wanji ka ŋaa i bande.

Samiyel 2to 12:23

Sohõ kaŋ a buu, macin se ay ga meehaw koyne? Ya mma hin ka kate a koyne wala? Agay no ma koy a gar, nga, a si yee kate.»

Samiyel 2to 19:1

Waatoo kaŋ kokoyoo maa Absalom buuroo, a jijiri, a žigi soorohugu-izoo ga kaŋ goo koyraa miɲoo ga ka hẽe no din. A ga dira a ga nee: «Ay izʼaroo Absalom, ay izʼaroo, ay izʼaroo Absalom! Nda a gar ba agay ka buu ni dogoo ra, Absalom, ay izʼaroo, ay izʼaroo!»

Taarikey 1na 7:22

Ngi baabaa Efrayim na ngi buuroo hẽe waati kuku. Nga borey kaa ka binoo daŋ.

Ayuba 2:11

Ayuba cere aru hinza maa bonaa kul kaŋ duu a, affoo kul hun nga do ka kaa: Elifaz kaŋ ga hun Temaŋ koyraa ra, nda Bildad kaŋ ga hun Šuwa koyraa ra, nda Sofar kaŋ ga hun Naama koyraa ra. I waafaku ka koy a do ka ngi binemaraa cebe a se, ka binoo daŋ.

Zaburey 77:2

Ay gʼay jindoo jer ka kaati ka Irkoy cee, ay gʼay jindoo jer ka Irkoy cee a ma haŋajer ya ne.

Zaburey 77:3

Han kaŋ ay goo binemarayyan ra, ay ga Abadantaa ceeci, cijin here ay kaboo ga cindi šerreyan ra bila a ma dusu, ay hundoo si yadda boro mʼay binoo yaynandi.

Waazukaa 9:10

Haya kul kaŋ ni kaboo ga hin kʼa tee, a tee, zama alaahara kaŋ ra nʼga koy, teegoy sii no, laasaabu sii no, bayray sii no, lakkal sii no.