Šintinoo 35:16 - Songhai de Gao Bible

¹⁶ Yakuba nda nga borey hun Betel. Diray cindi ngi nda koyraa game kaŋ se i ga nee Efrata, waatoo kaŋ Rašel ga duu nga boŋ, a hanse ka fara hala a ga zumandi.

Šintinoo 35:16 ပူးပေါင်းရင်းမြစ်များ

Šintinoo 3:16

A nee woyoo se: «Ay ga farayan boobo tonton ni alhaamidutaraa hottaa ga. Kala hottay hala nʼga hay. Ni kurɲoo se nʼga alhawa, amma nga no ma ni juwal.»

Šintinoo 35:19

Rašel faati, a suturandi Efrata fondaa ra. Efrata da ti Betelehem.

Šintinoo 48:7

Agay, nʼga bay, waatoo kaŋ ay ga kaa ka hun Padaŋ, Rašel buu ay kaboo ra, Kanaŋ gandaa ra. Diray cindi ir nda koyraa game kaŋ se i ga nee Efrata. No din ra ay nʼa sutura, Efrata fondaa ra. Efrata da ti Betelehem.»

Kokoyey 2to 5:19

Alyasu nee a se: «Koy nda baani.» Woo ga, Namaŋ koy. A mana hanse ka mooru

Taarikey 1na 2:19

Waatoo kaŋ Azuba buu, Kaleb na Efrata hiiji. Efrata duu a se Hur.

Zaburey 132:6

Ir maa Abadantaa sundukoo šennoo Efrata koyraa ra, ir duu a Yar koyraa hawsawey ra.

Matiyu 2:1

Isa hayandi Betelehem, Žude gandaa ra, kokoyoo kaŋ se i ga nee Herod zamanoo ra. Handaray bayraykoyniyaŋ ne ka hun waynahunay ka kaa Žerizalem,

Matiyu 2:16

Kaŋ Herod dii kaŋ bayraykoyney na nga kuubi, a hanse ka futu, de a sanba ka nee i ma Betelehem nda nga laamaa kul zankey wii kaŋ goo nda jiiri hinka nda wey kaŋ goo jiiri hinka se ganda, zama bayraykoyney šennoo ga nga jiirey si bisa woo.

Matiyu 2:18

«Kaati mandi Rama ra, hẽeni nda booro booboyaŋ. Rašel ga nga izey hẽe. A mana yadda nga binoo ma yay, zama i mana cindi.»

Timote bataga 1na 2:15

Amma woo kul ra, woyoo ga hallasi nga hayyanoo maaganda se nda a gaabandi naanaa, nda baji, nda henanyan ga boŋ-yeeti-gandayan ra.

Rutti 1:2

Aroo woo maaɲoo ti Elimelek, wandoo maaɲoo ti Nawomi, izʼaru hinkaa maaɲey ti Mahiloŋ nda Kiliyoŋ. Ngi koyra-izoo maaɲoo ti Efrata kaŋ goo Betelehem, Žuda gandaa ra. I cindi Mowab hawsaa ra.

Rutti 4:11

Alwakiiley kaŋ cindi no din nda alžamaa kul tuuru Bowazu se ka nee: «Ir ga seede. Ir gʼa ŋaaray Abadantaa ga, a ma albarka daŋ woyoo ra kaŋ ni ne kʼa zaa. A ma tee Rašel nda Leya cine kaŋyaŋ ti Izirayel hugoo borey kul ɲaa! Ni almanoo ma boobo koyra-izoo ra kaŋ se i ga nee Efrata. De Abadantaa ma ni maaɲoo mo jer Betelehem koyraa ra.

Samiyel 1na 10:2

Hõ, nda ni hun ay do, nʼga aru hinka gar Rašel saaraa jere, Benžameŋ hirroo ga Selsa. I ga nee ma ne: ‹Farka woyey kaŋ ni koy i ceeci duwandi.› Sohõ ni baabaa na farkey šennoo naŋ, amma war nda a ga alhuzun, a nee kaŋ taka foo no nga gʼa tee ka duu nga izoo.»

Samiyel 1na 4:20

Kaŋ a ga baa ka buu, woyey kaŋ goo jeroo ga nee a se: «Masi hunbur, izʼaru no nʼnʼa hay.» Amma a mana tuuru, a mana kula.