Šintinoo 32:20 - Songhai de Gao Bible

²⁰ Yaamar follokaa no a nʼa tee ihinkantoo se nda ihinzantoo nda borey kul kaŋ ga dira almaney dumawey ga, a nee i se: «Woo no war gʼa har ay koyoo Eso se nda war nʼa kubay.

Šintinoo 32:20 ပူးပေါင်းရင်းမြစ်များ

Šintinoo 32:19

mʼa zaabi ka nee: ‹Ni tamoo Yakuba wane nda ey. Hayaa no kaŋ a nʼa sanba nga koyoo Eso se. Nga hunday goo ir dumaa ga, a goo ma kaa.›»

Šintinoo 32:21

War ma nee a se: ‹Ni tamoo Yakuba hunday ne ma kaa, a goo ir dumaa ga.› Zama a nka nee nga boŋ se: ‹Ay ga binoo yaynandi nda hayaa woo kaŋ ga koy ay jine, woo banda ga, ay gʼa tenje, a ga hin ka tee a mʼay barraku.›»

Šintinoo 43:11

Ngi baabaa Izirayel nee i se: «Nda woo no, takaa ne kaŋ war gʼa tee: wa gandaa hayaa suubanteyaŋ zaa kʼi ka doo aroo do i ma tee a se gomni: jii, nda yuu, nda day-day, nda dugu, nda maatiga, nda amand.

Kokoyey 1na 20:31

Nga borey nee a se: «Ir maa kaŋ Izirayel hugoo borey kokoyey manʼti kala boro hennayaŋ. Naŋ ir mʼir boŋ yeeti ganda ka saaku kasayaŋ daŋ ir ga, ir ma karfu didiji ir boŋey ga ka fatta ka koy šelaŋ Izirayel kokoyoo se. A ga hin ka tee a ma ni hundoo naŋ ni ra.»

Yaasawey 15:18

Boro bine konna ga citi tunandi, boro kaŋ ga muɲe ga yenje benandi.

Yaasawey 16:14

Kokoy futayyanoo manʼti kala buuyan dontokaw, lakkalkoyni ga kokoyoo binoo kanandi.

Yaasawey 18:16

Gomni teeyan ga meeyaŋ feeri, ka koy nda boro hala boro beerey do.

Yaasawey 21:14

Gomni kaŋ nondi sutura ra ga futay benandi, bine-daymi kaŋ huru boro darbaa ziibaa ra ga binetunay kanandi.

Yaasawey 6:35

A si yadda banaw kul, a si yadda haya kul ga, ba nda nʼnʼa noo sufuray boobo.

Yunusa 3:9

May no ma bay wala Irkoy si kaa ka hinna ir ga, ka nga futay beeroo naŋ, kʼir hallasi bonaa ra kaŋ a ga baa kʼa zumandi ir ga.»

Timote bataga 2to 2:25

Nga kakawkey, a mʼi cawandi nda bineyaynay, a ga hin ka tee Irkoy mʼi noo fondo i ma tuubi ka cimoo bay

Samiyel 1na 6:5

Wa war futtawey nda nceŋey kaŋ ga war gandaa hasara assuura tee, war ma Izirayel Koyoo beerandi, a ga hin ka tee a ma kaa war se hottaa ra, war, nda war koyey, nda war gandaa.