Šintinoo 32:11 - Songhai de Gao Bible

¹¹ Ay ga hanse ka kacca anneemaa kul nda laadiryanoo kul kaŋ nʼnʼa tee ni tamoo se, zama hanoo kaŋ ay ga Žurdeŋ isaa woo deŋ, haya kul sii ay kone nda manʼti kala ay goboo, amma hõ jama hinka bara ya ne.

Šintinoo 32:11 ပူးပေါင်းရင်းမြစ်များ

Šintinoo 24:27

de a nee: «Albarka ma bara Abadantaa se, ay koyoo Ibirahima Koyoo, nga kaŋ mana nga alhormo naanayantaa kaa ay koyoo bande! Abadantaa nʼay gongu hala ay koyoo armey hugoo ra.»

Šintinoo 27:41

Eso konna Yakuba, gaararoo maaganda se kaŋ baaboo nʼa tee a se. Eso nee nga boŋ se: «Ay baabaa buuyanoo waatoo man, ay ga agʼarmaa Yakuba wii.»

Šintinoo 27:42

Rebeka duu šenney kaŋ hun nga ize jinaa Eso miɲoo ra alhabaroo. A daŋ i ma ciya nga ize hinkantoo Yakuba se, a nee a se: «Aywa, ni armaa Eso ga baa nga ma faasa nga boŋ se ka ni wii.

Šintinoo 32:3

Kaŋ Yakuba dii ey kul, a nee: «Woo ti Irkoy jamaa!» De a na nongoo din maaɲoo daŋ Mahanayim (maanaa «jama hinkaa»).

Šintinoo 32:7

Dontokey yee kate Yakuba do ka nee a se: «Ir koy ni armaa Eso do, nga mo goo ma ni kubay nda aru boro zangu taaci (400) kaŋ goo a bande.»

Šintinoo 33:4

Eso zuru kʼa kubay, a na nga boŋ warra jindoo ga kʼa naagu nga gandoo ra kʼa summu, i hẽe.

Samiyel 2to 7:18

Woo ga, kokoyoo Dawda koy goro Abadantaa jine ka nee: «May ti agay, ay Koyoo, Abadantaa, ay hugoo ti macin kaŋ se nʼgʼay beerandi ka too hala hinnaa woo?

Zaburey 119:134

Ay feeri kʼay kaa adamizey torroyanoo ra, woo ra ay ga hayey dii kaŋ nʼnʼi har.

Zaburey 142:6

Abadantaa, ni no ay ga kaati ka ni cee. Ay nee: «Ni ti nongoo kaŋ ra ay gʼay boŋ talfi, ni ti ay bagaa baahunantey laboo ra.»

Zaburey 16:1

Woo ti Dawda bayti foo. Ay hallasi ay Koyoo, ni ga ay ga talfi.

Zaburey 25:20

Ay hunaroo hawgay, ay feeri! Masi naŋ ya haw, zama ni ga ay ga talfi!

Zaburey 31:2

Abadantaa, ni ga ay gʼay boŋ talfi, yala ya si haw abada! Ni šerretaraa ra, ay feeri!

Zaburey 43:1

Irkoy, ciiti kʼay noo ay cimoo, ay faasa jamaa kaŋ si hinna ra! Ay kaa dargantey nda boro futawey kabey ra!

Yaasawey 18:19

Arma kaŋ i nʼa tooɲe manyan ga šendi ka bisa koyra gaabante diiyan, yenje ga hima nda kokoy hugu kufaley.

Matiyu 6:13

Masi naŋ ir ma siyandi ka kaŋ zunubu ra, amma ir hallasi boro laalaa ra kaŋ ti Ibilisi.›

Alhukumoo 22:6

Nda ni fondaa ga ni dii ciraw teji, tuuri dumi kul kaŋ no ga wala laboo ga, izeyaŋ bara a ra wala guuri, ɲaŋoo ga kani izey ga wala guurey ga, masi ɲaŋoo zaa nda izey.

Samiyel 1na 12:10

I kaati ka Abadantaa cee ka nee: ‹Ir na zunubu tee, ir na Abadantaa naŋ, ir na Balyaŋ nda Astarteyaŋ gana, sohõ ir kaa ir iberey kabey ra, ir ga ni gana.›

Samiyel 1na 24:15

May no Izirayel kokoyoo koy a wongu? May no nʼgʼa gaarandi? Hanši bukaw, nkanji yaada?