Šintinoo 3:22 - Songhai de Gao Bible

²² Woo banda ga, Irkoy Abadantaa nee: «Sohõ kaŋ boraa tee sanda ir kaŋ ga ihenna nda ifutu kaa cere ra, ir ma hawgay a masi deebe ka tuuroo kaŋ ga hunayan noo izoo kosu kʼa ŋaa ka huna hala abada.»

Šintinoo 3:22 ပူးပေါင်းရင်းမြစ်များ

Šintinoo 1:26

Irkoy nee: «Ir ma boro tee, a ma hima nda ir. A ma tee ir cine! A ma tee jineboro teekoo hamiisaa se, nda beenaa ciraw, nda adabba, nda laboo kul, nda labukoy kul kaŋ ga ziilam-ziilam laboo ga.»

Šintinoo 2:9

Irkoy Abadantaa na tuuri kul kaŋ nga gunayanoo ga boori zayandi laboo ra kaŋ ga ize hay kaŋ ga boori ŋaayan se. Saddiɲaa gamoo ra a na tuuriɲaa hinka zayandi: tuuroo kaŋ ga hunayan noo nda tuuroo kaŋ ga boro noo lakkal ka ihenna nda ifutu kaa cere ra.

Šintinoo 3:21

Irkoy Abadantaa na kuuru bankaarayyaŋ tee Adama nda nga wandoo se kʼi daŋ i ga.

Šintinoo 3:23

Irkoy Abadantaa nʼa fattandi Edeŋ saddiɲaa ra hala a ma koy laboo beeri kaŋ ra a zandi.

Šintinoo 3:5

Hayaa kaŋ no manʼti kala Irkoy ga bay kaŋ han kaŋ war nʼa ŋaa war moɲey ga hay. War ga tee sanda nga, war ga ihenna nda ifutu kaa cere ra.»

Zaburey 22:26

Ni do ay saaburey ga hun margari beeroo game. Meefurey kaŋ ay nʼi zaa, ay gʼi bana borey kaŋ ga hunbur Abadantaa jine.

Yaasawey 3:18

Tuuri no kaŋ ga hunayan noo boro se kaŋ nʼa dii, boro kaŋ gaabu a ga duu gomni.

Bangandiroo 2:7

Boro kaŋ goo nda haŋa ma maa hayaa kaŋ Irkoy Hundoo gʼa har Egilizey se! Boro kaŋ hin, ay gʼa noo tuuroo kaŋ ga hunayan noo izey ra a mʼi ŋaa. Tuuri no kaŋ sii kala Irkoy saddiɲaa ra.»

Bangandiroo 22:14

Borey duu gomni kaŋ ga ngi darbay beerey ɲumay, woo ra i ga duu fondo ka ŋaa tuuroo kaŋ ga hunayan noo izey ra, i ga huru koyraa ra nda koyraa miɲey.

Bangandiroo 22:2

Koyraa farroo gamoo ra, isaa mee hinkaa ga, tuuroo kaŋ ga hunayan noo goo kaŋ ga hegayandi cee woy cindi hinka (12), handu kul a ga hay. Tuuroo fitawey no ma gandawey duubaanandi.