Šintinoo 3:18 - Songhai de Gao Bible

¹⁸ Karji nda ngorfu ga zayandi ma ne. Nʼga dumarey ŋaa kaŋ ga zay saajey ra.

Šintinoo 3:18 ပူးပေါင်းရင်းမြစ်များ

Šintinoo 3:17

A nee aroo se: «Nʼna haŋajer ni wandoo se, de mo nʼna tuuroo izoo ŋaa kaŋ ay na ni yaamar masʼa ŋaa, woo se laboo ga laali ni maaganda se. Farayan nda nʼga duu ni meeŋaaroo ni hunaroo kul ra.

Šintinoo 3:19

Ni sungaa ra nʼga duu ni meeŋaaroo hala ma yee laboo kaŋ ra ni zandi, zama labu ti ni, de mo laboo ra nʼga yee.»

Ayuba 1:21

a nee: «Gaa koonu nda ay fatta ay ɲaa gundoo ra, ay gaa koonoo nda ay ga koy. Abadantaa ka noo, Abadantaa ka taa, albarka ma bara Abadantaa maaɲoo ga!»

Ayuba 31:40

Yala karji ma zay ya ne alkama dogoo ra, subu futu ma zay ya ne oržoo dogoo ra!» Ne ga Ayuba šenney ben.

Ayuba 5:5

Yala heraykoyni ma nga hegaa gon, a mʼa zaa hala karjey ga! Yala nga almanoo ma kaŋ kumsay ra!›

Zaburey 104:2

Nʼga annuura daŋ ni ga sanda darbay beeri, nʼga beenaa daaru sanda kunta.

Zaburey 90:3

Nʼga boro willi laboo ra, ni nee: «Adamizey, wa willi kate!»

Yaasawey 22:5

Karjiyaŋ nda kumsayyaŋ bara boro šiira fondaa ga, boro kaŋ ga hin nga boŋ ga moorʼey.

Yaasawey 24:31

Karjey zay nongoo kul ra, subu laaley na farroo daabu, nga tondi cetaa kaŋ.

Matiyu 13:7

Affooyaŋ kaŋ dumari karjikoyniyaŋ ra, karjey beeri, i nʼi hewguba.

Rom borey batagaa 14:2

Boro foo ga hongu nga ga hin ka haya kul ŋaa, amma affoo kaŋ naanaa ga kacca, dumaray-ize de no a ga ŋaa.

Eberewey batagaa 6:8

Amma nda a ga karji nda ngorfu hay, a sii nda nafaw, a mana mooru laaliyan, de nga kokoroo ti a ma tonandi.

Žozuwe 23:13

war ma bay kaaray kaŋ Abadantaa, war Koyoo si koy a ga ka jamawey wey gaaray war jine koyne. I ga tee war se sankay nda kumsay, i ga tee barzu kaŋ ga war kar war dumawey ra, i ga tee karji ka war hay war moɲey ra, hala war ma dere labu hennaa woo ga kaŋ Abadantaa, war Koyoo nʼa noo war se.