Šintinoo 3:17 - Songhai de Gao Bible

¹⁷ A nee aroo se: «Nʼna haŋajer ni wandoo se, de mo nʼna tuuroo izoo ŋaa kaŋ ay na ni yaamar masʼa ŋaa, woo se laboo ga laali ni maaganda se. Farayan nda nʼga duu ni meeŋaaroo ni hunaroo kul ra.

Šintinoo 3:17 ပူးပေါင်းရင်းမြစ်များ

Šintinoo 3:11

Irkoy Abadantaa nee aroo se: «May ka ni bayrandi kaŋ ni goo gaa koonu? Ni nka tuuroo izoo ŋaa kaŋ ay na ni yaamar masʼa ŋaa?»

Šintinoo 3:18

Karji nda ngorfu ga zayandi ma ne. Nʼga dumarey ŋaa kaŋ ga zay saajey ra.

Šintinoo 3:6

Woyoo dii kaŋ tuuroo izoo ga boori ŋaayan se. Nga gunayanoo ga boori, de mo boro ga alhawa a se, zama lakkal no a ga noo. A na tuuroo ize foo kosu, a nʼa ŋaa. Nga banda ga, nga kurɲoo kaŋ goo a bande, a nʼa noo, de nga mo nʼa ŋaa.

Šintinoo 5:29

A na maaɲoo daŋ Nuhu (maanaa «bineyaynandi»). Lemek nee: «Woo gʼir biney yaynandi laboo kaŋ Abadantaa nʼa laali goy šendaa ra.»

Šintinoo 8:21

Abadantaa maa sunnaaraa kaana, de a nee nga boŋ se: «Ay si yee ka laboo danga nbunadam sabbu se, ba nda nbunadam binoo miilewey manʼti kala ifutu za nga zankataraa ga. Ay si yee ka hundikoyney kul halaci sanda takaa kaŋ agay ne kʼa tee.

Ayuba 14:1

«Woy boro ka adamize hay, nga aloomuroo ga kacca, a ga too nda alhuzun.

Ayuba 21:17

Amma waati boobo boro futu mma dii fitillaa ga buu wala? Bone mma zunbu i ga hala Irkoy mʼi noo ngi bagaa nga futuroo ra wala?

Zaburey 127:2

Yaada ti war ga tun subbaahi biya, war ga gay hala war ga kani, war ga taabi ka duu war meehunaa, ka gar a ga nga baakaa noo hayey kaŋ ga a ga too ka gar a goo ma jirbi.

Waazukaa 2:11

Woo banda ga, ay kuubi ka bere hayey kul kaŋ ay kabey nʼi tee here, nda taabiyanoo kaŋ ay duu a ngi teeyanoo ra, ay gar kaŋ woo kul sii nda addalil sanda hew gaarandiyan, nafa kul sii i ra waynaa cire.

Waazukaa 2:17

Ay konna hunayan, zama agay se hayaa kaŋ ga tee waynaa cire si boori, zama haya kul sii nda addalil sanda hew gaarandiyan.

Waazukaa 5:17

Hayaa kaŋ ay dii a kaŋ ga boori, a ga hennay adamize se manʼti kala a ma ŋaa, a ma haŋ ka dii gomni nga taabiyanoo kul ra kaŋ a gʼa tee waynaa cire, aloomuroo ra kaŋ Irkoy nʼa noo a se, zama woo ti nga bagaa.

Matiyu 22:12

A nee a se: ‹Ay ceroo, taka foo nda ni huru ne ra hiijaa hoyandoo darbaa sii ni jindoo ra?› Boraa dangay suk.

Matiyu 25:45

Waatoo din a gʼi zaabi ka nee: ‹Cimoo ne kaŋ ay gʼa har war se, haya kul kaŋ war manʼa tee ikaccey wey affoo se, agay se war manʼa tee.

Luka 19:22

A nee tamoo se: ‹Ni deene šennoo nda ay ga ni dii, tam laalaa. Nʼga bay kaŋ boro šenda ti agay kaŋ ga haya zaa kaŋ ya nʼa jisi, ay ga haya hegay kaŋ ay manʼa duma.

Yehiya 16:33

Ay na wey har war se hala ay bande war ma duu alaafiyaa. War ga zarabi aduɲɲa ra, amma wa bine tee, agay, ay duu aduɲɲa ga hinay.»

Rom borey batagaa 3:19

Ir ga bay kaŋ haya kul kaŋ ašariyaa gʼa har, a sʼa har kala borey se kaŋ goo ašariyaa hinoo cire, hala borey kul miɲey ma daabandi, aduɲɲa kul ma bay kaŋ ngi ti zunubante Irkoy jine.

Eberewey batagaa 6:8

Amma nda a ga karji nda ngorfu hay, a sii nda nafaw, a mana mooru laaliyan, de nga kokoroo ti a ma tonandi.