Šintinoo 29:1 - Songhai de Gao Bible

¹ Yakuba yee ka fondaa zaa, a koy waynahunay izey gandaa here.

Šintinoo 29:1 ပူးပေါင်းရင်းမြစ်များ

Šintinoo 24:10

A na yoo boŋ woy (10) zaa nga koyoo yoowey ra kʼi jeeje nda nga koyoo arzaka henney kʼi ka koy. A tun ka koy hala Mezopotami kaŋ ti Nahor koyraa.

Šintinoo 25:20

Jiiri woytaaci (40) bara Isiyaka se waatoo kaŋ ra a ga hiiji Rebeka kaŋ ti Betuwel izoo, Aram boraa kaŋ goo Padaŋ-Aram. Nga ti Labaŋ, Aram boraa woymaa.

Šintinoo 25:6

Izʼarey kaŋ wahayey duu ey a se, a nʼi noo gomniyaŋ za a ga huna. Amma a nʼi moorandi nga izoo Isiyaka, kʼi sanba ganda ra kaŋ goo waynahunay kaboo here.

Šintinoo 35:1

Han foo Irkoy nee Yakuba se: «Tun ni boŋ ga, žigi ka koy Betel, ma goro no din. Ma sargari tonadoo cin no din ni Koyoo maaɲoo ga kaŋ bangay ma ne waatoo kaŋ nʼga zuru ni armaa Eso se.»

Šintinoo 35:7

No din ra a na sargari tonadoo cin, de a na nongoo cee nda El-Betel (maanaa «Betel Koyoo»), zama no din ra Irkoy na nga boŋ cebe a se waatoo kaŋ a ga zuru nga armaa se.

Zaburey 119:32

Ay ga zuru ni yaamarey fondaa bande, zama nʼnʼay lakkaloo feeri.

Zaburey 119:60

Ay ga cahã, ay si yay ka ni yaamarey dii.

Waazukaa 9:7

Koy, ni ŋaahayaa ŋaa nda ɲaali, ni alaneb hari mooraa haŋ nda binekaanay, zama Irkoy yadda ni teegoyey ga ka ben.

Kabuyaney 23:7

Balam na nga yaasay šennoo har ka nee: «Balak nʼay ka hun Siiri gandaa ra, Mowab kokoyoo nʼay ka hun waynahunay tondi hondey do, a nee: ‹Kaa ka Yakuba danga ya ne, kaa ka futu Izirayel ga.›

Alkaaley 6:3

Nda Izirayel borey na dumi say, Majaŋ borey, nda Amalek borey, nda waynahunay izey ga kaa kʼi wongu.

Alkaaley 6:33

Majaŋ borey kul, nda Amalek borey, nda waynahunay izey na cere marga ka Žurdeŋ isaa deŋ ka ngi kaloo gorandi Žizireyel gooroo ra.

Alkaaley 7:12

Majaŋ borey, nda Amalek borey, nda waynahunay izey kul na ngi boŋ daaru gooroo ra sanda ndoo jama. Ngi yoowey si kabandi sanda teekoo miɲoo labutaasoo.

Alkaaley 8:10

Woo gar Zeba nda Salmunna cindi Karkor koyraa ra, ngi nda ngi wongu-ize jamaa kaŋ ti aru zenber woy cindi guu (15.000) cine, wey no kul kaŋ cindi waynahunay izey wongu-izey ra. Aru zenber zangu nda waranka (120.000) kaŋ too wongu ka wiiyandi.