Šintinoo 27:29 - Songhai de Gao Bible

²⁹ Yala alkabiilayaŋ ma yee ni cire! Dumiyaŋ ma gunguma ma ne! Ma tee ni armey boŋkoynoo, de mo ni ɲaa-izey ma gunguma ma ne! Boro kaŋ na ni danga ga laali, boro kaŋ gaara ma ne ga duu albarka!»

Šintinoo 27:29 ပူးပေါင်းရင်းမြစ်များ

Šintinoo 12:3

Borey kaŋ ga gaara ma ne, ay ga albarka daŋ i ra, amma boro kaŋ na ni danga, ay gʼa laali. Ni bande, aduɲɲa alaayan beerey kul ga duu albarka.»

Šintinoo 25:33

Woo banda ga, Yakuba nee: «A žee ya ne jina!» A žee a se, a na nga izejinawtaraa neere Yakuba se.

Šintinoo 27:30

Isiyaka nka gaara ka ben Yakuba se, Yakuba fatta nga baabaa do, dogoo din da Eso kaa ka hun hoodogoo ra.

Šintinoo 27:37

Isiyaka na Eso zaabi ka nee: «Guna, ay nʼa tee ni boŋkoynoo, ay na nga armey kul tee nga tamey. Ay nʼa noo alkamaa nda alaneb haroo. Sohõ macin no ay ga hin kʼa tee ma ne, ay izoo?»

Šintinoo 27:40

Ni takubaa nda nʼga huna, nʼga yee ni armaa cire, amma nʼga kaa ka duu ni boŋ. Tiŋay-zaa-bundoo kaŋ a ga daŋ ni boŋ, nʼgʼa kaa ni jindoo ga.»

Šintinoo 37:10

A nʼa deede nga baabaa nda nga armey se. Baaboo citi a ga ka nee: «Cin handiri ti woo? Adiši agay, nda ni ɲaa, nda ni armey no ma kaa ka gunguma ma ne?»

Šintinoo 37:7

Ir mma goo ma jeeni terenjiyaŋ haw faarey ra kaŋ dogoo din da ay terenjoo tun ka kay nga boŋ ga, war waney gʼa kuubi kʼa bere, de i ga gunguma jinoo ra.»

Šintinoo 9:27

Yala Irkoy ma Žafet feeri! Yala alaafiyaa ma bara Sem nda Žafet hukkumey nda cere game! De mo Kanaŋ ma tee ngi baɲɲaa!»

Kokoyey 1na 22:47

Arey kaŋ ga zinaa tee tooru hugey ra, wey din kaŋ cindi za nga baabaa Asa waati, a nʼi kul kaataray gandaa ra.

Taarikey 1na 5:2

Žuda tee jineboraa nga armey game, zama boŋkoyni mana hun kala nga hayroo ra, amma izejinawtaraa mana nondi kala Isufi se.

Zaburey 72:8

Nga hinoo goo haya kul boŋ, kʼa dii teeko foo ga ka koy affoo ga, Efrat isaa ga ka koy laboo kaydogoo ga.

Kabuyaney 23:8

Taka foo nda ay ga boro danga kaŋ Irkoy manʼa laali? Taka foo nda ay ga futu boro ga kaŋ Abadantaa mana futu a ga?

Kabuyaney 24:18

A hin Edom gandaa kʼa tee nga wane, a hin nga iberoo kaŋ ti Seyir gandaa kʼa tee nga wane. Izirayel ga gaabi beeri fattandi.

Kabuyaney 24:9

A ga gunguma, a ga kani sanda ganjihayla aru, sanda ganjihayla woy. May no ma yadda kʼa tunandi? Albarka ma huru boraa ra kaŋ ga gaara ma ne, boraa ma laali kaŋ ga ni danga.»

Matiyu 25:40

Kokoyoo gʼi zaabi ka nee: ‹Cimoo ne kaŋ ay gʼa har war se, haya kul kaŋ war nʼa tee agʼarmey wey i kul ikaccaa affoo se, agay se war nʼa tee.›

Matiyu 25:45

Waatoo din a gʼi zaabi ka nee: ‹Cimoo ne kaŋ ay gʼa har war se, haya kul kaŋ war manʼa tee ikaccey wey affoo se, agay se war manʼa tee.

Rom borey batagaa 9:12

manʼti teegoy bande a goo, woo kaŋ boraa kaŋ ga ciya nʼa tee de no ma kabu. A nee Rebeka se: «Ibeeroo ga yee ikaccaa cire.»

Bangandiroo 19:16

Nga darbaa nda ceehamoo, maa foo hantumandi i ga kaŋ ti «kokoyey Kokoyoo, koyey Koyoo».