Šintinoo 25:21 - Songhai de Gao Bible

²¹ Isiyaka na Abadantaa ŋaaray nga wandoo se kaŋ manʼti kala woy gun. Abadantaa na nga ŋaarayroo taa. Rebeka, nga wandoo tee alhaamidu.

Šintinoo 25:21 ပူးပေါင်းရင်းမြစ်များ

Šintinoo 11:30

Saray manʼti kala woy gun, a sii nda ize.

Šintinoo 16:2

Saray nee Ibirim se: «Sohõ kaŋ Abadantaa nʼay ganji ya duu ize, marga nda ay koŋŋaa. A ga hin ka tee a ma duu ya ne izʼaru.» Ibirim yadda Saray hoyraa.

Šintinoo 30:22

Irkoy ɲeli Rašel ga, a maa a se, a nʼa faaba a ma duu ize.

Taarikey 1na 5:20

Irkoy nʼi faaba kʼi noo hinay Hagri borey nda borey kul kaŋ goo i bande ga, haya kaŋ se wongoo waati, i nka kaati ka Irkoy cee, Irkoy tuuru i se, zama i nka naanay a.

Taarikey 2to 33:13

A na Abadantaa ŋaaray, a nʼa zaabi, a na haŋajer nga ŋaarayroo se, a kate a Žerizalem nga kokoytaraa ra. Manase bay kaŋ Abadantaa ti Koy.

Ezra 8:23

Woo maaganda se ir meehaw kʼir Koyoo ceeci hayaa woo ra, a nʼir ŋaarayroo taa.

Zaburey 127:3

Guna, ize manʼti kala tubu kaŋ Abadantaa gʼa noo, a gʼa noo sanda sufuray.

Zaburey 145:19

A ga borey kaŋ ga hunbur a almuraadey feeri, a ga maa ngi faaba ceeci kaatiroo, a gʼi hallasi.

Zaburey 50:15

Mʼay cee zarabi zaari hane, ay ga ni feeri, mʼay beerandi.

Zaburey 65:2

Irkoy, nʼga hima nda saabu dooni kaŋ ga hun ma ne Siyoŋ koyraa ra nda ka hayey tee kaŋ allaahidoo zandi ma ne.

Zaburey 91:15

A gʼay cee, ay gʼa zaabi. Waati šenda ra, agay hunday goo a bande, ay gʼa kaa a ra, ay gʼa beerandi.

Yaasawey 10:24

Woo kaŋ boro futu ga hunbur a, nga no ma duu a, amma woo kaŋ boro šerrante ga bagʼa ga nondi a se.

Luka 1:13

Amma almalaykaa nee a se: «Masi hunbur, Zakariya, zama ni ŋaarayroo taandi. Ni wandoo Elizabet ga duu ma ne izʼaru, nʼga maaɲoo daŋ Yehiya.

Luka 1:7

Amma i sii nda ize, zama Elizabet manʼti kala woy gun, koyne mo ngi boro hinkaa kul jiirey boobo.

Samiyel 1na 1:11

A na meefur zaa Abadantaa se, a nee: «Abadantaa, Aduɲɲakoyoo, nda ni yadda ka ni koŋŋaa binemarayyanoo guna, nda ni honga agay, mana dirɲa agay kaŋ ti ni koŋŋaa, nda nʼna ni koŋŋaa noo hayyan kaŋ ti aru, ay gʼa noo Abadantaa se nga aloomuroo kul ra, šiini si zuru boŋoo ra.»

Samiyel 1na 1:17

Eli nee: «Koy nda baani. Yala Izirayel Koyoo ma ni noo woo kaŋ nʼnʼa ŋaaray a ga.»

Samiyel 1na 1:2

Wande hinka bara Elkana se, affoo maaɲoo ti Anna, ihinkantoo maaɲoo ti Penina. Penina goo nda zankayaŋ, amma Anna sii nda zanka.

Samiyel 1na 1:27

Zankaaroo woo no ay cindi kʼa ŋaaray Abadantaa ga, Abadantaa nʼay noo woo kaŋ ay nʼa wiri a ga.