Šintinoo 24:27 - Songhai de Gao Bible

²⁷ de a nee: «Albarka ma bara Abadantaa se, ay koyoo Ibirahima Koyoo, nga kaŋ mana nga alhormo naanayantaa kaa ay koyoo bande! Abadantaa nʼay gongu hala ay koyoo armey hugoo ra.»

Šintinoo 24:27 ပူးပေါင်းရင်းမြစ်များ

Šintinoo 13:8

Ibirim nee Lotu se: «Ay gʼa wiri ni ga, alfitina masi huru agay nda ni game. A masi huru ay kurkey nda ni waney game, zama ir kul ti hugu follokaa borey.

Šintinoo 14:20

Albarka ma bara Irkoy Jerantaa se kaŋ na ni torrokey kaŋandi ni kaboo ra!» Ibirim na nga hayey azakkaa noo a se.

Šintinoo 24:12

Woo banda ga, a nee: «Abadantaa, ay koyoo Ibirahima Koyoo, ay ga ni ŋaaray ma ni alhormaa cebe ay koyoo Ibirahima se kʼay kubayandi hõ nda woo kaŋ ay gʼa ceeci.

Šintinoo 24:21

Aroo cindi a ga dangay kʼa guna, a ga baa nga ma bay wala Abadantaa na nga diraa boryandi wala a manʼa boryandi.

Šintinoo 24:4

Amma ma koy ay gandaa ra, ay borey do, ma wande zaa ay izoo Isiyaka se.»

Šintinoo 24:42

Hõ ay too hari zaadogoo do, de ay nee: ‹Abadantaa, ay koyoo Ibirahima Koyoo, ay gʼa wiri ni ga, mʼay diraa boryandi kaŋ ra ay goo!

Šintinoo 24:48

Woo banda ga, ay sujudu Abadantaa se. Ay na albarka tee a se, nga kaŋ ti ay koyoo Ibirahima Koyoo kaŋ nʼay gongu fondo hennaa ga hala yʼay koyoo armaa ize woyoo zaa nga izʼaroo se.

Šintinoo 32:10

Woo banda ga, Yakuba nee: «Irkoy, ay kaagaa Ibirahima Koyoo nda ay baabaa Isiyaka Koyoo! Abadantaa nee ya ne: ‹Yee ni gandaa ra, ni dumoo do, ay ga gomni tee ma ne.›

Šintinoo 32:11

Ay ga hanse ka kacca anneemaa kul nda laadiryanoo kul kaŋ nʼnʼa tee ni tamoo se, zama hanoo kaŋ ay ga Žurdeŋ isaa woo deŋ, haya kul sii ay kone nda manʼti kala ay goboo, amma hõ jama hinka bara ya ne.

Šintinoo 9:26

Nuhu yee koyne ka tonton ka nee: «Albarka ma bara Abadantaa se kaŋ ti Sem Koyoo! Yala Kanaŋ ma tee Sem baɲɲaa!

Samiyel 2to 18:28

Ahimas kaati ka nee kokoyoo se: «Baani ma kaa ni ga.» A na nga ndumoo sinji laboo ra ka gunguma kokoyoo jine ka nee: «Albarka ma bara Abadantaa, ni Koyoo se, zama borey kaŋ tun ay koyoo, ay kokoyoo se, Irkoy nʼi daŋ ni kaboo ra.»

Zaburey 100:5

Zama Abadantaa ga boori, nga borohennataraa si ben abada, nga laadirtaraa ga cindi zaman ka kaa zaman.

Zaburey 68:19

Ni žigi ka koy beene, ni kate baɲɲayaŋ ni bande, nʼna gomniyaŋ dii adamizey nda ba turantey ga hala ma ni gorodogoo tee no din, Irkoy Abadantaa.

Zaburey 98:3

A hongu Izirayel hugoo borey ka nga borohennataraa nda nga laadirtaraa cebe i se, Laboo kanjey kul dii ir Koyoo hallasiroo.

Fattaroo 18:10

Žetro nee: «Albarka ma bara Abadantaa se kaŋ na war kaa Misira borey nda Firawuuna kaboo ra, kaŋ na jamaa kaa Misira borey kabey ra!

Fattaroo 2:11

Waatoo kaŋ Musa beeri, han foo a fatta ka koy nga armey do, a dii waazibi goyey kaŋ ra i goo. A dii Misira aru foo kaŋ ga Ebere aru kar, nga armey affoo no.

Fattaroo 2:13

Subaa ra, a fatta koyne, nga ne, a dii Ebere boro hinka kaŋ ga yenje. A nee boraa kaŋ tooɲe se: «Macin se nʼga ni ceroo kar?»

Fattaroo 34:6

Abadantaa bisa Musa jine, a nee: «Abadantaa, Abadantaa, Irkoy tamallakoyoo kaŋ ga alhormo tee, kaŋ si cahã ka futu, kaŋ ga too met nda borohennataray nda laadirtaray,

Yaasawey 3:6

Ma Abadantaa bay ni fondawey kul ra, nga no ma ni fondawey šerrandi.

Yaasawey 8:20

Ay si dira kala šerretaray fondaa ra, ka bisa fondawey ra kaŋ ra cimi goo,

Luka 1:68

«Albarka ma bara ir Koyoo se kaŋ ti Izirayel Koyoo, zama a na nga jamaa hawgay, a nʼa sawal.

Yehiya 1:17

Zama Musa bande ašariyaa kaa, Isa Almasihu bande anneemaa nda cimoo kaa.

Efez borey batagaa 1:3

Albarka ma bara Irkoy se kaŋ ti ir Koyoo Isa Almasihu Koyoo nda nga Baabaa. A na nga Hundoo albarka dumey kul daŋ ir ra beenaa nongey ra Almasihu alhormaa ra.

Timote bataga 1na 1:17

Zamaney Kokoyoo, a si buu, boro si dii a, Irkoy follokaa, beeray nda darža ma bara a ga abada hala abada. Amin.

Rutti 4:14

Waatoo kaŋ woo tee Betelehem woyey nee Nawomi se: «Albarka ma bara Abadantaa se kaŋ na ni noo talfikaw hõ! Irkoy ma ni haamaa noo maa Izirayel gandaa ra.

Samiyel 1na 25:32

Dawda nee Abigayel se: «Albarka ma bara Abadantaa se, Izirayel Koyoo kaŋ na ni sanba mʼay kubay hõ!

Samiyel 1na 25:39

Dawda maa kaŋ Nabal buu, a nee: «Albarka ma bara Abadantaa se kaŋ faasa ya ne tooɲaa kaŋ Nabal nʼa tee ya ne ra, kaŋ na agay, nga tamoo moorandi ifutu! Abadantaa na Nabal goy futaa kaŋandi a boŋ.» Dawda sanba ka Abigayel wiri hiijay.