Šintinoo 22:12 - Songhai de Gao Bible

¹² Almalaykaa nee a se: «Ni kaboo masi ziira zankaa do, de mo masi baffoo tee a se, zama sohõ ay bay kaŋ nʼga hunbur Irkoy, ni ize bajja follokaa, manʼa ka wanji a se!»

Šintinoo 22:12 ပူးပေါင်းရင်းမြစ်များ

Šintinoo 20:11

Ibirahima nʼa zaabi ka nee: «Ya nka nee ay boŋ se: ‹Irkoy hunburay sii nongoo woo ra, i gʼay wii ay wandoo maaganda se.›

Šintinoo 22:13

Ibirahima na nga boŋoo jer, de a na gaaru foo honnay nga dumaa ga kaŋ hilley kotay tuuri kaccu foo ra. Ibirahima koy gaaroo dii kʼa tee sargari kukurante nga izoo dogoo ra.

Šintinoo 22:16

ka nee a se: «Ay ga žee nda agay hunday, agay Abadantaa ka šelaŋ ka nee: ‹Zama de ni ne ka woo tee, mana ni ize bajja follokaa wanji ya ne,

Šintinoo 22:2

Irkoy nee a se: «Ni izʼaroo zaa, ni ize bajja follokaa Isiyaka kaŋ nʼga hanse ka bagʼa. Fatta ka koy gandaa ra kaŋ se i ga nee Moriya, no din ra ay ga tondi hondu foo silbay ma ne, tondi hondoo din boŋ mʼa tee ya ne sargari kukurante.»

Šintinoo 26:5

zama Ibirahima na haŋajer ya ne. A nʼay talfey, nda ay yaamarey, nda ay hantumey, nda ay ašariyawey dii.»

Šintinoo 42:18

Jirbi hinzantoo hane Isufi nee i se: «Wa hayaa tee kaŋ ay gʼa har hala war ma duu ka huna. Boro ti agay kaŋ ga hunbur Irkoy!

Nehemi 5:15

Goforner jinawey kaŋ kaa ay jine ga hanse ka jamaa farandi ka ŋaayan, nda alaneb hari mooro, nda nzorfu kaaray tamma boŋ woytaaci (40) dii i ga, ba ngi tamey ga ngi boŋ tee boŋkoyni jamaa se. Amma agay, Irkoy hunburay se ya na woo tee.

Ayuba 1:1

Aru foo cindi Utus gandaa ra kaŋ maaɲoo ti Ayuba. Aroo woo manʼti kala boro kaŋ ga laadir a ga šerre, a ga hunbur Irkoy, a ga nga boŋ moorandi ifutu.

Ayuba 28:28

Woo banda ga, a nee adamize se: ‹Ka hunbur war Koyoo, woo ti lakkal, ka mooru ifutu, woo ti fahamay!›»

Ayuba 5:19

Zarabiyaŋ ga hin ka duu ni cee iddu, amma a ga ni hallasi, cee iyye bonaa si duu ni.

Zaburey 1:6

Zama Abadantaa ga boro šerrantey fondaa hawgay, amma boro laaley fondaa gʼi ka koy halaciyan ga.

Zaburey 111:10

Ka hunbur Abadantaa ti lakkal šintinoo, boro kaŋ ga nga yaamarey dii ga duu lakkal henna. Nga saaburoo ga bara hala abada.

Zaburey 147:11

Borey kaŋ ga hunbur Abadantaa ga kan a se, borey kaŋ ga naata nga borohennataraa ga.

Zaburey 2:11

Wa goy Abadantaa se nda hunburay, wa ɲaali ka jijiri!

Zaburey 25:12

May ti boraa kaŋ ga hunbur Abadantaa? A ga fondaa har a se kaŋ a ga hima kʼa suuba.

Zaburey 25:14

Abadantaa si nga sirrey har kala nga hunburkey se, a gʼi bayrandi nga amaanaa.

Fattaroo 20:20

Musa nee jamaa se: «War masi hunbur, zama Irkoy nka kaa ka war sii, hala nga hunburaa ma bara war ra, war masi zunubu tee.»

Yaasawey 1:7

Ka hunbur Abadantaa ti bayray šintinoo, saama mma lakkal nda hoyray tee yaada.

Waazukaa 12:13

Ir ma haŋajer šennoo woo kul benantaa se kaŋ ti: «Ma hunbur Irkoy, ma nga yaamarey dii.» Woo ti haya kaŋ adamize kul ga hima kʼa tee.

Matiyu 16:24

Woo banda ga, Isa nee nga taalibey se: «Boro kaŋ ga baa nga ma hanga ay bande, kala a ma nga alhawaa naŋ, a ma nga kanjandibundoo zaa jina, a ma hanga agay.

Matiyu 19:29

De mo boro kul kaŋ na nga hugey naŋ, wala nga armey, wala nga woymey, wala nga baabaa, wala nga ɲaa, wala nga izey, wala nga faarey ay maaɲoo maaganda se, boraa ga duu nga cine zangu (100), a ga hunayan abadantaa tubu.

Matiyu 5:16

Takaa din da, war gaayoo ma dii adamizey jine, taka kaŋ ra i ma dii war teegoy henney, de i ma war Baabaa Irkoy kaŋ goo beenaa ra beerandi.»

Yehiya 3:16

Zama Irkoy hanse ka baa aduɲɲa, a na nga Izʼaru bajja follokaa nondi hala boro kul kaŋ naanay a masi halaci, a ma duu hunayan abadantaa.

Teegoyey 9:31

Egilizoo kaŋ goo Žude kul ra, nda Galile, nda Samari goo nda alaafiyaa, nga naanaa ga tonton, a ga dira ir Koyoo hunburaa ra, de a ga tonton Hundi Henanantaa albarkaa ra.

Rom borey batagaa 5:8

Amma takaa woo nda Irkoy ga nga bajoo cebe ir se: waatoo kaŋ ir manʼti kala zunubanteyaŋ, Almasihu buu ir maaganda se.

Rom borey batagaa 8:32

Nga kaŋ mana nga Izʼaru gundoo kaa, amma a nʼa nondi ir kul maaganda se, taka foo nda a sʼir noo haya kul nga boŋ Izʼaroo nooyanoo banda ga?

Korent borey bataga 1na 10:13

Siiyan sii no kaŋ kaa war ga kaŋ mana duu adamize ka bisa, Irkoy ga laadir, a si naŋ war ma siyandi hala nongu kaŋ ra war si hin a. Nda siiyan kaa, a ga war cebe fattadoo hala war ma hin kʼa muɲe.

Korent borey bataga 2to 8:12

Nda anniya henna goo ka noo, haya kaŋ nʼnʼa noo ga too, woo kaŋ sii ma ne si hãandi.

Eberewey batagaa 11:19

Ibirahima laasaabu ka dii kaŋ ba bukaw, Irkoy ga hin kʼa tunandi. Woo maaganda se izoo yee a ga sanda haya kaŋ tun bukawey game.

Eberewey batagaa 12:28

Zama ir ga hima ka duu laama kaŋ si tun, ir ma Irkoy anneemaa dii henna kaŋ nda ir ga goy a se nda taka kaŋ ga kan a se, nda beeray nda hunburay.

Žak batagaa 2:18

Boro ga nee: «Naanaa goo ma ne, teegoy hennayaŋ goo ya ne.» Ni naanaa cebe bila teegoy, ay gʼay naanaa cebe ma ne ay teegoyey ra.

Bangandiroo 19:5

Jinde foo hun kokoy gorodogoo ra ka nee: «Wa ir Irkoy saabu, war kul nga baɲɲey [nda] war kaŋ ga hunbur a, ikaccey nda ibeerey.»

Samiyel 1na 15:22

Samiyel nee: «Sargari kukurantey nda sargarey ga kan Abadantaa se ka bisa boro ma haŋajer Abadantaa se wala? Kalaa, kalaa, ka haŋajer Abadantaa se baa sargari kaayan, ka lakkal daŋ baa gaarey maaney sargari.