Šintinoo 21:17 - Songhai de Gao Bible

¹⁷ Irkoy maa zankaa jindoo. Irkoy almalayka foo ciya Hažatta se za beenaa ra ka nee a se: «Macin ka duu ni, Hažatta? Masi hunbur, zama Irkoy maa zankaa jindoo, nongoo kaŋ ra a goo.

Šintinoo 21:17 ပူးပေါင်းရင်းမြစ်များ

Šintinoo 15:1

Hayey wey banda ga, Abadantaa na šenni har Ibirim se bangayyan ra ka nee a se: «Masi hunbur haya kul, Ibirim! Agay no ma tee ma ne koray. Ni sufuraa ga hanse ka beeri.»

Šintinoo 16:11

Abadantaa almalaykaa nee a se koyne: «Ni tee alhaamidu, nʼga izʼaru foo daŋ aduɲɲa ra kaŋ nʼga maaɲoo daŋ Isimayel (maanaa ‹Irkoy ga maa›), zama Abadantaa maa ni binekankamyanoo.

Šintinoo 16:7

Abadantaa almalayka foo nʼa gar saajoo ra hari foo jesoo ga kaŋ goo fondaa here kaŋ ga koy saajoo ra kaŋ maaɲoo ti Šur.

Šintinoo 16:8

A nʼa hãa ka nee: «Hažatta, Saray koŋŋaa, man ra ni hun, man ra nʼga koy?» A nʼa zaabi ka nee: «Ay koyoo Saray se ay goo ma zuru.»

Šintinoo 16:9

Almalaykaa nee a se: «Yee ni koyoo do, ma ni boŋ yeeti a se ganda.»

Šintinoo 22:11

Amma beenaa ra, Abadantaa almalaykaa ciya a se ka nee: «Ibirahima! Ibirahima!» A nʼa zaabi ka nee: «Agay ne.»

Šintinoo 24:7

Abadantaa kaŋ ti beenaa Koyoo kaŋ nʼay kaa ay baabaa hugoo ra nda ay gandaa ra, nga kaŋ šelaŋ ka žee ya ne kaŋ nga ga gandaa woo noo ay hayroo se, nga hunday ga nga almalaykaa daŋ ni jine. De mo no din ra nʼga wande zaa ay izoo se.

Šintinoo 26:24

Abadantaa bangay a se cijinoo ra ka nee: «Agay ti ni baabaa Ibirahima Koyoo. Masi hunbur, zama ay goo ni bande. Ay ga albarka daŋ ni ra, ay ga ni hayroo boobandi, Ibirahima, ay tamoo maaganda se.»

Šintinoo 46:3

Irkoy nee a se: «Agay ti Irkoy, ni baabaa Koyoo. Masi hunbur ka doo Misira, zama ay ga ni tee dumi beeri no din ra.

Kokoyey 2to 13:23

Amma Abadantaa hinna i ga, a tamalla i se, a ɲeli i ga nga amaanaa kaŋ goo nga, nda Ibirahima, nda Isiyaka, nda Yakuba game maaganda. A mana baa nga mʼi halaci, a manʼi moorandi nga hala waatoo woo.

Kokoyey 2to 13:4

Žowakaz na Abadantaa suurandi ka binoo yaynandi. Abadantaa na haŋajer a se, zama a dii takaa kaŋ nda Siiri kokoyoo ga Izirayel borey zarabi.

Zaburey 10:14

Ni hunday dii binemarayyanoo nda šiitaroo, nʼga guna ka huga nda takaa, ni ga talkaa ga talfi, ni no ma alyatimoo faaba.

Zaburey 50:15

Mʼay cee zarabi zaari hane, ay ga ni feeri, mʼay beerandi.

Zaburey 6:8

Ay moɲey ton dooray maaganda se, i žen ay torrokey maaganda se.

Zaburey 65:2

Irkoy, nʼga hima nda saabu dooni kaŋ ga hun ma ne Siyoŋ koyraa ra nda ka hayey tee kaŋ allaahidoo zandi ma ne.

Zaburey 91:15

A gʼay cee, ay gʼa zaabi. Waati šenda ra, agay hunday goo a bande, ay gʼa kaa a ra, ay gʼa beerandi.

Fattaroo 14:13

Amma Musa nee jamaa se: «War masi hunbur, wa batu ka dii Abadantaa hallasiroo kaŋ a ga kate a hõ war se! Zama Misira borey kaŋ war ga dii ey hõ, war si yee ka dii ey koyne hala abada.

Fattaroo 22:23

Ay futuyanoo ga tun, ay ga war wii nda takuba. War wandey ga tee woyyaŋ kaŋ kurɲey buu, war izʼarey ga tee alyatim.

Fattaroo 22:27

Masi Irkoy kaynandi. Boŋkoyni kaŋ goo ni jamaa ra, masʼa danga.

Fattaroo 3:2

Abadantaa almalaykaa bangay a se nuune deene ra, saabayɲaa game. A ga saabayɲaŋoo guna, nga ne, a ga dii, amma nuunaa si saabayɲaŋoo diinandi.

Fattaroo 3:7

Abadantaa yee ka nee: «Ay dii, ay dii ay jamaa torraa Misira gandaa ra, ngi kaatiroo kaŋ i gʼa tee ngi waazibi goyey juwalkey maaganda se, ay maarʼa, ay ga bay kaŋ i goo hottay ra.

Matiyu 15:32

Isa ciya nga taalibey se ka nee: «Ay ga tamalla jamaa se, zama jirbi hinza ti woo kaŋ i goo ay bande, i sii nda haya kaŋ i gʼa ŋaa. Ay si baa yʼi yeeti nda heraa, i masi koy kaŋ fondaa ra.»

Marku 5:36

Isa maa šenney wey, amma a mana kula. A nee margahugoo boŋkoynoo se: «Masi hunbur, naanay hinne.»

Alhukumoo 26:7

Ir kaati ka Abadantaa, ir baabey Koyoo cee. Abadantaa na haŋajer ir se, a dii ir kankamroo, nda ir zaraboo, nda ir šiitaroo.

Alkaaley 18:23

Kaŋ i too i do, i kaati Dan borey bande. Dan borey bere, i nee Mika se: «Macin ka tee kaŋ se nʼga borey wey marga?»

Samiyel 1na 11:5

Woo gar Sawul hun faarey ra, nga nda hawey kaŋ nda a ga beeri. Sawul nee: «Macin ka tee kaŋ se jamaa ga hẽe?» I na Yabeš borey šenney har a se.