Šintinoo 20:5 - Songhai de Gao Bible

⁵ Manʼti nga hunday ka nee ya ne kaŋ nga woymaa no? Woyoo mo nee ya ne kaŋ nga armaa no. Kaŋ ay ga woo tee ay binoo ga kaaray, ay kabey ga henan.»

Šintinoo 20:5 ပူးပေါင်းရင်းမြစ်များ

Šintinoo 12:13

Ay gʼa wiri ni ga, ma nee i se kaŋ ay woymaa ti ni! Nga ra i ga kula ay ra. Ni alhormaa ra, ay hundoo ga cindi ay ra.»

Šintinoo 20:13

Waatoo kaŋ Irkoy nʼay ka fatta kʼay moorandi ay baabaa hugoo, ay nee Sarata se: ‹Borohennataray tee ya ne, nongu kul kaŋ ra ir koy ma nee kaŋ ni armaa ti agay.›»

Šintinoo 20:16

De a nee Sarata se: «Nga ne, ay na ni armaa noo nzorfu kaaray tamma boŋ zenber foo (1.000). Woo ti tammaasaa kaŋ ga cebe borey kul kaŋ goo ni bande se kaŋ nʼga henan hayaa woo kaŋ tee ra.»

Kokoyey 1na 9:4

Ni, nda ni dira ay jine sanda takaa kaŋ nda ni baabaa Dawda dira ay jine nda bine henanante nda šerretaray, ka hayaa tee nda takaa hunday kaŋ nda ay na ni yaamar, nda nʼnʼay hantumey nda ay hantumey kaŋ kayandi dii,

Kokoyey 2to 20:3

«Ay gʼa wiri ni ga, Abadantaa, ma hongu kaŋ ay dira ni jine nda laadirtaray nda ay binoo kul, de mo ay na haya tee kaŋ ga kan ma ne!» Woo banda ga, Ezekiyas hanse ka hẽe.

Taarikey 1na 29:17

Ay Koyoo, ay ga bay kaŋ ni no ma boro binoo neeši, de mo bine šerrante no ma kan ma ne. Woo maaganda se ay na hayaa woo kul noo ma ne nda ay boŋ nda bine šerrante, agay mo ga ɲaali sohõ kaŋ ay ga dii ni jamaa kaŋ goo ne mo ga ngi kabehayaa noo nda ngi boŋ.

Ayuba 33:9

Ni nee: ‹Ay ga henan, ya na ifutu tee, ay binoo ga henan, laybu sii ay ga.

Zaburey 24:4

Kala a ma tee boro kaŋ kabey ga henan, binoo ga kaaray, a si nga hundoo noo taari se, de mo a si žee ka darga.

Zaburey 25:21

Yala laadirtaray nda šerretaray ma kay ya ne, zama ay ga tammahã ni ga.

Zaburey 26:6

Ay gʼay kabey ɲumay kʼay henanyanoo cebe, ay ga ni sargari tonadogoo kuubi kʼa bere, Abadantaa,

Zaburey 7:8

Yala gandawey kul jamaa ma kaa ka ni kuubi! Ni goo beene, nʼga ni hinoo cebe i se.

Zaburey 7:9

Abadantaa ga gandawey ciiti. Abadantaa, ay noo ay cimoo, ka sawa nda ay šerretaraa nda ay laadirtaraa.

Zaburey 73:13

Adiši, ya nka ay binoo henanandi yaada, ay nʼay kabey ɲumay ka cebe kaŋ ay ga henan.

Zaburey 78:72

Dawda nʼi kur nda bine laadirante, a nʼi gongu nda lakkal.

Yaasawey 11:3

Boro šerrantey laadirtaraa no mʼi gongu, zanbantey šenni bereyanoo gʼi halaci.

Yaasawey 20:7

Boro šerrante ga hanga fondo laadirante, izey ga duu gomni dumaa ga.

Korent borey bataga 2to 1:12

Hayaa kaŋ nda ir ga fooma manʼti kala: ir biney ga tee seede nda takaa kaŋ nda ir dira aduɲɲa ra, waaniwaani war jine, a teendi nda taka sasawante nda henanyan kaŋ hun Irkoy do, a mana teendi nda adamize lakkal, amma Irkoy anneemaa nda a teendi.

Tesalonik borey bataga 1na 2:10

War nda Irkoy ti ir seedaa, war kaŋ ga naanay, takaa kaŋ nda ir dira nda henanyan war bande, nda šerretaray, nda takaa kaŋ nda laybu sii ir ga.

Timote bataga 1na 1:13

ba kaŋ se ay na maaɲoo futandi ka bisa, ka tee gurzugandikaw, boro wowkaw, amma Irkoy tamalla ya ne, zama ya nkʼi tee lakkal jaŋay nda naanay jaŋay ra.

Žozuwe 22:22

«Irkoy Abadantaa kaŋ ti koyey Koyoo, ir nʼa har, Irkoy Abadantaa kaŋ ti koyey Koyoo, nga, a ga bay, Izirayel mo ga kaa ka bay… Nda tureyan nda ir goy, nda Abadantaa kutayan no, masʼir hallasi hõ.