Šintinoo 20:16 - Songhai de Gao Bible

¹⁶ De a nee Sarata se: «Nga ne, ay na ni armaa noo nzorfu kaaray tamma boŋ zenber foo (1.000). Woo ti tammaasaa kaŋ ga cebe borey kul kaŋ goo ni bande se kaŋ nʼga henan hayaa woo kaŋ tee ra.»

Šintinoo 20:16 ပူးပေါင်းရင်းမြစ်များ

Šintinoo 20:17

Ibirahima na Irkoy ŋaaray, de Irkoy na Abimelek nda nga wandoo, nda nga koŋŋey noo baani, de i duu ka hin ka ize daŋ aduɲɲa ra.

Šintinoo 20:5

Manʼti nga hunday ka nee ya ne kaŋ nga woymaa no? Woyoo mo nee ya ne kaŋ nga armaa no. Kaŋ ay ga woo tee ay binoo ga kaaray, ay kabey ga henan.»

Šintinoo 24:65

A nee tamoo se: «May ti aroo woo hawsaa ra kaŋ goo ma dira ka kaa kʼir kubay?» Baɲɲaa nʼa zaabi ka nee: «Ay koyoo Isiyaka no.» A na nga sanfitoo zaa kʼa gum nga boŋ.

Šintinoo 26:11

Abimelek na gandaa kul gagay ka nee: «Boro kul kaŋ tuku aroo woo do wala nga wandoo, a waazibi boraa ma wiiyandi.»

Yaasawey 12:1

Boro kaŋ ga baa hoyrayyan ga baa bayray, boro kaŋ ga konna tejeyan ga saama.

Yaasawey 25:12

Wura haŋakorbay nda wura taalam henna ga hima nda haŋa kaŋ maa lakkalkoyni hoyraa se.

Yaasawey 27:5

Ka boro teje kaaray ga baa baji tugante.

Yunusa 1:6

Harihiyoo jineboraa nʼa gar jirboo ra. A nʼa tunandi kʼa hãa ka nee: «Taka foo nda nʼga jirbi? Tun ka ni koyoo ŋaaray! A ga hin ka tee ni koyoo ma hinna ir ga, de ir masi halaci.»

Bangandiroo 3:19

Agay, borey kaŋ ay ga bagʼey, ay ga gʼi aladabu, ay gʼi daŋ fondaa ra. Tee boro kaŋ ga koron, ma tuubi.