Šintinoo 19:16 - Songhai de Gao Bible

¹⁶ Amma Lotu gay hala a ga koy. Aru hinkaa nʼa dii nda kaboo, nga nda nga wandoo nda nga ize woy hinkaa, zama Abadantaa ga baa nga mʼa hallasi. I nʼa ka fatta, de i nʼa naŋ koyraa dumaa ga.

Šintinoo 19:16 ပူးပေါင်းရင်းမြစ်များ

Šintinoo 19:15

Za subbaahi biya, nga no almalaykey na Lotu gaabi ka nee a se: «Tun, ma ni wandoo nda ni ize woy hinkaa kaŋ goo ne ka koy hala koyraa zunuboo kaŋ ga zunbu a boŋ masi ni halaci!»

Šintinoo 43:10

Nda a gar ir nka koy za waatoo din, sohõ kaa ka gar ir yee koyne!»

Taarikey 1na 16:34

Wa Abadantaa šifa, zama a ga boori, nga borohennataraa si ben abada!

Zaburey 103:13

Takaa kaŋ nda baaba ga tamalla nga izey se, takaa din da Abadantaa ga hinna nga hunburkey se.

Zaburey 106:1

Aleluya! Wa Abadantaa šifa, zama a ga boori, zama nga borohennataraa si ben abada!

Zaburey 106:8

Amma a nʼi hallasi nga maaɲoo maaganda se, hala nga ma nga hinoo cebe.

Zaburey 107:1

Wa Abadantaa šifa, zama a ga boori, zama nga borohennataraa si ben abada.

Zaburey 111:4

A na taka tee borey ma hongu nga kayfey, Abadantaa ga alhormo tee, a ga tamalla.

Zaburey 118:1

Wa Abadantaa šifa, zama a ga boori, zama nga borohennataraa si ben abada!

Zaburey 119:60

Ay ga cahã, ay si yay ka ni yaamarey dii.

Zaburey 136:1

Wa Abadantaa šifa, zama a ga boori, zama nga borohennataraa si ben abada.

Zaburey 32:10

Dooray boobo goo boro laala se, boro kaŋ na nga naanaa daŋ Abadantaa ra, Abadantaa borohennataraa gʼa kuubi kʼa bere.

Zaburey 33:18

Nga ne, Abadantaa moɲey sii kala borey ga kaŋ ga hunbur a, i ga kabu nga borohennataraa ga.

Zaburey 33:19

A gʼi feeri kʼi kaa buuyan ra, a gʼi noo hunay heraa waati.

Zaburey 34:12

Wa kaa, ay izey, wa haŋajer ya ne! Ay ga war dendenandi Abadantaa hunburaa.

Zaburey 86:15

Amma ni, ay Koyoo, ni manʼti kala Koy kaŋ ga tamalla, a ga alhormo tee, nʼsi cahã ka futu, ni borohennataraa nda ni laadirtaraa ga beeri.

Zaburey 86:5

Zama ni, ay Koyoo, nʼga boori, nʼga yaafa, nʼga borohennataray beeri tee borey kul se kaŋ ga ni cee.

Fattaroo 34:6

Abadantaa bisa Musa jine, a nee: «Abadantaa, Abadantaa, Irkoy tamallakoyoo kaŋ ga alhormo tee, kaŋ si cahã ka futu, kaŋ ga too met nda borohennataray nda laadirtaray,

Fattaroo 34:7

kaŋ ga nga arrahamaa cebe alwadda zenberyaŋ se, a ga laybu, nda hooyan, nda zunubu yaafa, amma a si ifutu dii ihenanante. A ga baabey laybey hangandi izey nda haamawey hala alwadda hinzantoo ka koy itaacantoo ga.»

Kabuyaney 14:18

‹Abadantaa si cahã ka futu, nga borohennataraa ga beeri, a ga laybu nda hooyan yaafa. A si goy futu teekaw dii sanda boro kaŋ mana ifutu tee. A ga baabey laybey hangandi izey hala alwadda hinzantoo nda itaacantoo ga.›

Luka 18:13

Alkaasidiikaa hunday ga kay nongu mooro ra, a si yadda ka ba nga boŋoo jer ka beenaa guna, amma a ga nga gandey kar ka cebe kaŋ nga nimsi, a nee: ‹Irkoy, hinna ay ga, agay kaŋ ti zunubante.›

Yehiya 6:44

Boro kul si hin ka kaa ay do, nda manʼti ay Baabaa Irkoy kaŋ nʼay sanba kʼa cendi, de agay, ay gʼa tunandi zaari koraa hane.

Rom borey batagaa 9:18

Woo se Irkoy ga tamalla boro kaŋ a baa se, boro kaŋ a baa, a ga binoo šendandi.

Korent borey bataga 2to 1:3

Albarka ma bara Irkoy se kaŋ ti ir Koyoo Isa Almasihu Koyoo nda nga Baabaa, nga ti tamallawey Baabaa, nga ti bineyaynandiyan kul Irkoy

Alhukumoo 4:31

Zama Abadantaa, ni Koyoo manʼti kala Koy tamallante. A si ni naŋ, a si ni halaci, a si dirɲa amaanaa kaŋ a nʼa žee ni baabey se.»

Alhukumoo 5:15

Ma hongu kaŋ ni cindi ka tee baɲɲa Misira, de Abadantaa, ni Koyoo na ni fattandi nda kabe gaabante nda hini. Woo se Abadantaa, ni Koyoo na ni yaamar ma hunanzamzaaroo kayandi.

Alhukumoo 6:21

Ma nee ni izoo se: ‹Ir nka cindi ka tee tam Firawuuna se Misira, Abadantaa nʼir fattandi Misira nda kabe gaabante.

Alhukumoo 7:8

Amma hayaa kaŋ no manʼti kala Abadantaa mma baa war, a nka baa nga ma allaahidoo too kaŋ a nʼa zaa war baabey se. Abadantaa na war fattandi nda kabe gaabante, a na war feeri ka war kaa tamtaray hugoo ra nda Firawuuna, Misira kokoyoo kaboo ra.

Tit batagaa 3:5

a nʼir hallasi, manʼti ir teegoy šerrantey albarkaa ra, amma nga tamallaa ra a nʼa tee. A nʼir hallasi kʼir ɲumay hala ir ma hayandi taaga ka bere ka taaga Hundi Henanantaa albarkaa ra.

Žozuwe 6:22

Žozuwe nka nee aru hinkaa kaŋ na gandaa monno se: «Wa koy woykuuroo hugoo do, war ma woyoo nda haya kul kaŋ goo maaɲoo ga fattandi sanda takaa kaŋ nda war nʼa žee a se.»

Piyer bataga 2to 2:7

Amma nda a na Lotu kaŋ ti boro šerrantaa hallasi kaŋ hanse ka torro goy futu teekey boonay laalaa sabbu se,

Piyer bataga 2to 2:9

nda ir Koyoo na hayey wey kul tee, a ga cebe kaŋ a ga wan ka borey kaŋ ga Irkoy gana kaa siiyan ra ka borey kaŋ si šerre soolu ciitoo zaaroo se kʼi zukandi.