Šintinoo 18:25 - Songhai de Gao Bible

²⁵ Woo manʼti ni goyoo: ka boro šerrantey halaci ifutawey bande taka kaŋ ra išerrantey nda ifutawey kul ma tee afolloku. Woo manʼti ni goyoo! Ni kaŋ ga aduɲɲa kul ciiti, manʼti cimi nda nʼga ciiti wala?»

Šintinoo 18:25 ပူးပေါင်းရင်းမြစ်များ

Šintinoo 18:24

A ga hin ka tee boro šerrante woyguu (50) goo koyraa ra: adiši nʼga ngi mo halaci? Nʼsi yaafa koyraa se boro woyguu (50) šerrantaa kaŋ goo a ra maaganda se?

Taarikey 1na 16:33

Waatoo din hawsaa tuurey ga kaati nda ɲaali Abadantaa jine, zama a goo ma kaa ka laboo ciiti.

Taarikey 2to 19:7

Sohõ, yala Abadantaa hunburaa ma bara war ra, wa hawgay, wa lakkal daŋ war dira takaa se, zama Abadantaa, ir Koyoo si baa haya kaŋ si šerre, a si baa ka borey bisandi cere, a si baa sufuray taayan.»

Nehemi 9:33

Nʼga henan hayaa kul ra kaŋ duu ir, zama nʼga goy nda cimi, ir, ir na goy futu tee.

Ayuba 34:10

Woo se adamize lakkalkoyney, wa haŋajer ya ne! Irkoy nda goy futu ga mooru cere. Hini-kul-koyoo nda šerre jaŋay ga mooru cere.

Ayuba 34:12

Nda cimi, Irkoy si ifutu tee, abada Hini-kul-koyoo si ciiti šiirandi.

Ayuba 8:20

Abada, Irkoy si boro laadirante fur, a si goy futu teekey faaba.

Ayuba 8:3

Irkoy ga ciiti barmay wala? Hini-kul-koyoo ga šerretaray barmay wala?

Zaburey 50:6

Beenaa ga nga šerretaraa har, zama Irkoy zaati ti ciitikaw. Kay-kayna

Zaburey 58:11

Boro šerrantaa ga ɲaali, zama a dii kaŋ Irkoy faasa nga se, a ga nga cewey ɲumay boro laaley kuroo ra.

Zaburey 7:12

Irkoy manʼti kala ciitikaw šerrante, Koy no kaŋ ga hin ka futu zaari kul.

Zaburey 75:3

Ni nee: «Nda waatoo too kaŋ ay nʼa kayandi, ay ga ciiti nda fondaa.

Zaburey 94:2

Tun, laboo ciitikaa, ka hundibeerey bana ka sawa nda ngi teegoyey!

Zaburey 98:9

I ma woo tee Abadantaa jine, zama a ga kaa ka laboo ciiti, a ga aduɲɲa ciiti nda šerretaray, a ga jamawey ciiti nda fondaa.

Waazukaa 3:17

Ay nee ay boŋ se: «Irkoy ga boro šerrante nda ifutu ciiti, zama a na haya foo kul kayandi kʼa tee nga waatoo ra, teegoy foo kul nda nga ciitoo.»

Waazukaa 7:15

Ay dii woo kul ay zaari yaadawey ra. Šerrante goo no kaŋ nga nda nga šerretaraa kul, a ga buu, nda boro futu kaŋ nga nda nga futuroo kul, a ga duu aloomur kuku.

Kabuyaney 16:22

I kaŋ laboo ra ngi boŋey ga, i nee: «Ya Irkoy, baahunantey kul hundey Koyoo, boro folloku ka zunubu tee, woo ga, nʼga futu jamaa kul ga wala?»

Korent borey bataga 2to 5:10

Zama a nka tilasu ir kul ma bangay Almasihu ciitidogoo ra, hala boro foo kul ma duu woo kaŋ a nʼa tee ihenna ra wala ilaala ra waatoo kaŋ a goo nga kunturoo ra.

Alhukumoo 1:16

Waati follokaa din da ra, ay na war alkaaley yaamar ka nee i se: ‹War ma haŋajer war armey se, war ma ciiti nda šerretaray aru nda nga armaa wala yaw game kaŋ goo a do.

Alhukumoo 1:17

War masi boro guna ciitiyan ra. War ma haŋajer ikaccaa nda ibeeroo se. War masi hunbur adamize kul, zama ciitiyan manʼti kala Irkoy wane. Haya kaŋ šendi war se, war ma kate a ay do hala ya maarʼa.›

Alhukumoo 32:4

Nga ti Tondoo, nga teegoyey ga timme, zama nga fondawey kul ga šerre. Koy no kaŋ ga laadir, šerre jaŋay sii a do, a ga šerre, cimikoyni no.

Eberewey batagaa 12:23

nda gunde jinayaŋ margaroo kaŋyaŋ hantumandi beenaa ra, nda Irkoy kaŋ ti borey kul ciitikaa, nda boro šerrantey hundey kaŋ Irkoy nʼi tee boro timmanteyaŋ.

Alkaaley 11:27

Manʼti agay ka zunubu tee ma ne, ni ka goy laala goy ay ga, ni kaŋ baa mʼay wongu. Yala Abadantaa kaŋ ti ciitikaa, ma ciiti hõ Izirayel borey nda Amoŋ borey game.»