Šintinoo 18:19 - Songhai de Gao Bible

¹⁹ Ya nkʼa suuba hala a ma nga izey nda nga hugoo borey kaŋ goo dumaa ga yaamar i ma Abadantaa fondaa gana ka goy nda šerretaray nda cimi. Woo ra Abadantaa ga Ibirahima noo hayaa kaŋ a bay kʼa har a se.»

Šintinoo 18:19 ပူးပေါင်းရင်းမြစ်များ

Šintinoo 12:2

Ay ga ni tee dumi beeri. Ay ga albarka daŋ ni ra. Ay ga ni maaɲoo noo addawla. Ma tee albarkahaya borey se!

Šintinoo 12:3

Borey kaŋ ga gaara ma ne, ay ga albarka daŋ i ra, amma boro kaŋ na ni danga, ay gʼa laali. Ni bande, aduɲɲa alaayan beerey kul ga duu albarka.»

Šintinoo 17:9

Irkoy nee Ibirahima se: «Ni, ma agay amaanaa dii, ni nda ni hayroo kaŋ ga kaa ni dumaa ga, alwaddawey kul ra.

Šintinoo 22:18

Ni hayroo bande aduɲɲa gandawey kul ga duu albarka, zama nʼna haŋajer ya ne.›»

Šintinoo 35:2

Yakuba nee nga alaayaney nda nga borey kul se: «Wa koy waaney derandi kaŋ goo war kone, tooru doo sii ne ra, wa war boŋ henanandi ka kaaray, war ma darbay barmay.

Samiyel 2to 22:22

zama ay na Abadantaa fondawey gana, ya nʼay Koyoo tooɲe.

Samiyel 2to 7:20

Macin no ay ga hin kʼa har ma ne koyne kaŋ bisa woo, agay, Dawda? Ni hunday ga ni tamoo bay, ay Koyoo, Abadantaa.

Taarikey 1na 28:9

Haya kaŋ ti ni, ay izʼaroo Sulaymaana, nʼga hima ka ni baabaa Koyoo bay ka boori, mʼa gana nda ni binoo kul nda anniya henna, zama Abadantaa ga borey kul biney neeši, haya kul kaŋ goo boro lakkaloo ra, a gʼa bay. Nda nʼnʼa ceeci, a ga naŋ ma duu nga, amma nda nʼnʼa naŋ, nga mo ga wanji ni ga hala abada.

Taarikey 2to 14:3

A nee Žuda borey se kaŋ i ma Abadantaa, ngi baabey Koyoo ceeci, i ma ašariyaa nda yaamarey ka dira.

Nehemi 9:7

Ni ti Abadantaa, Irkoy kaŋ na Ibirim suuba, kaŋ nʼa fattandi Ur koyraa kaŋ goo Kalde gandaa ra, de nʼna maaɲoo daŋ Ibirahima.

Ayuba 1:5

Waati kaŋ hoyandey zaarey bisa, Ayuba ga nga zankey cee kate kʼi henanandi. A mma tun subbaahi biya ka sargari kukurante kaa ngi affoo kul se, zama a mma nee nga boŋ se kaŋ a ga hin ka tee kaŋ nga izey na zunubu tee ngi biney ra ka albarka tee Irkoy se. Takaa woo no Ayuba gʼa tee waati kul.

Zaburey 1:6

Zama Abadantaa ga boro šerrantey fondaa hawgay, amma boro laaley fondaa gʼi ka koy halaciyan ga.

Zaburey 11:4

Abadantaa goo nga hugu henanantaa ra, Abadantaa kokoy gorodogoo goo beenaa ra, moɲey ga honnay, moɲey goo adamizey ga.

Zaburey 34:15

Ma mooru ifutu ka ihenna tee, ma alaafiya ceeci ka gaabandi a bande.

Yaasawey 22:6

Fondaa kaŋ soogaa ga hima kʼa gana cawandi a se, ba nga žeenay ga, a sʼa naŋ.

Sargarey 14:42

I ma tondi tanayaŋ zaa kʼi daŋ ijinawey dogey ra. I ma labu tana ka hugoo sanfa.

Matiyu 25:17

Takaa din da, woo kaŋ duu ihinkaa, duu ihinka tana.

Yehiya 10:14

Agay, agay ti kurkaw hennaa, ay gʼay waney bay, ay waney mo gʼay bay,

Yehiya 21:17

A nee a se cee hinzantoo ra: «Simoŋ, Yehiya izʼaroo, nʼga baa agay wala?» Piyer binoo maray kaŋ hala cee hinza a ga nee nga se: «Nʼga baa agay wala?» A nee a se: «Ay Koyoo, ni, nʼga haya kul bay, nʼga bay kaŋ ay ga baa ni.» [Isa] nee a se: «Ay feejey kur.

Teegoyey 27:31

Pol nee jalakoynoo nda soojey se: «Nda borey wey mana cindi hiyoo ra, war, war si hin ka hallasi.»

Efez borey batagaa 6:4

War mo baabey, war masi war izey biney hasara, wʼi biiri aladabu henna ra ka sawa nda ir Koyoo hoyrawey.

Alhukumoo 32:46

a nee i se: «Wa miile šenney kul ga kaŋ ay nʼi har war se hõ ka war izey yaamar i ma gaabandi ka ašariyaa šenney wey kul ka dira.

Timote bataga 1na 3:12

Egilizoo goykey affoo kul ma tee woy folloku kurɲe, i ma ngi izey nda ngi boŋ hugey juwal henna.

Timote bataga 2to 1:5

Ay ga honga naanaa kaŋ ra almunafikitaray sii kaŋ goo ni ra, kaŋ jin ka bara ni kaaga woyoo Lowis nda ni ɲaa Enis ra. Ay ga naanay ka bay kaŋ a goo ni mo ra.

Timote bataga 2to 2:19

Woo kul, Irkoy asaasu gaabantaa ga cindi. Silbaa kaŋ goo asaasoo ga: «Ir Koyoo ga borey bay kaŋ ti nga wane.» Silbay faa mo ti: «Boro kul kaŋ ga Irkoy maaɲoo cee, boraa ma mooru goy futu.»

Timote bataga 2to 3:15

Za zankataray, nʼga Citaabu henanantey bay kaŋ ga hin ka ni noo lakkal hala naanaa kaŋ nʼna daŋ Almasihu Isa ra ma ni hallasi.

Žozuwe 24:15

Amma nda a si kan war se war ma Abadantaa gana, wa suuba hõ woo kaŋ war ga baa war mʼa gana: koyey kaŋ war baabey nʼi gana Efrat isaa kabe faa ga, wala Amor borey koyey kaŋ gandaa ra war ga goro. Agay nda ay hugoo, ir ga Abadantaa gana.»

Alkaaley 13:12

Manowa nee: «Nda šennoo kaŋ nʼnʼa har tee cimi, macin ti zankaaroo dira takaa hantumoo kaŋ kayandi, macin ti hayaa kaŋ a ga hima kʼa tee?»