Šintinoo 17:5 - Songhai de Gao Bible

⁵ Nʼsi yee ka ciyandi nda Ibirim (maanaa «baaba kaŋ jerandi»), ni maaɲoo ga tee Ibirahima (maanaa «boro boobo baaba»), zama ay na ni tee dumi boobo hayraa.

Šintinoo 17:5 ပူးပေါင်းရင်းမြစ်များ

Šintinoo 17:15

Irkoy nee koyne Ibirahima se: «Saray, ni wandoo, masi yee kʼa cee nda Saray, hõ banda ga, maaɲoo ga tee Sarata (maanaa «boŋkoyni woy»).

Šintinoo 32:28

A nʼa hãa ka nee: «Macin ti ni maaɲoo?» A nee a se: «Yakuba.»

Šintinoo 32:29

A yee ka nee a se: «Ni maaɲoo si yee ka tee Yakuba, Izirayel nda i ga ni cee (maanaa ‹a gurgay Irkoy bande›), zama ni nka gurgay Irkoy bande nda borey bande, ni hin.»

Šintinoo 35:10

Irkoy nee a se: «Ni maaɲoo ti Yakuba, amma hõ banda ga, ni maaɲoo si yee ka tee Yakuba, a ga tee Izirayel.» Takaa woo nda a na Izirayel maaɲoo daŋ a ga.

Samiyel 2to 12:25

Irkoy na annabi Nataŋ donto a ma zankaa maaɲoo daŋ Yedidiya (maanaa «Abadantaa baakaa») takaa kaŋ nda Abadantaa ga baa Sulaymaana maaganda se.

Taarikey 1na 1:27

Tera ti Ibirim baabaa, Ibirim kaŋ maaɲoo bere ka tee Ibirahima.

Nehemi 9:7

Ni ti Abadantaa, Irkoy kaŋ na Ibirim suuba, kaŋ nʼa fattandi Ur koyraa kaŋ goo Kalde gandaa ra, de nʼna maaɲoo daŋ Ibirahima.

Kabuyaney 13:16

Wey ti arey maaɲey kaŋ Musa nʼi sanba i ma koy gandaa monno. Musa na Hoše kaŋ ti Nun izʼaroo maaɲoo daŋ Žozuwe.

Yehiya 1:42

A nʼa ka koy Isa do. Isa nʼa guna, a nee: «Ni ti Simoŋ Yehiya izoo. Ni maaɲoo ga kaa ka tee Kefas» kaŋ maanaa ti «Piyer» (Tondi).

Rom borey batagaa 4:17

Sanda takaa kaŋ nda a hantumandi Citaaboo ra ka nee: «Ay na ni tee dumi boobo se hayraa.» Ir baabaa no Irkoy kaŋ a naanay a jine, Irkoy kaŋ ga bukawey hunandi, hayey kaŋ si bara, a ga šelaŋ i se sanda hayayaŋ kaŋ ga bara.

Bangandiroo 2:17

Boro kaŋ goo nda haŋa ma maa hayaa kaŋ Irkoy Hundoo gʼa har Egilizey se! Boro kaŋ hin, ay gʼa noo ŋaahayaa kaŋ se i ga nee man tugantaa. Ay gʼa noo tondi kaaray, tondoo woo maa taaga ka hantumandi a ga, boro kul sʼa bay nda manʼti boro kaŋ ga duu a.»