Šintinoo 14:5 - Songhai de Gao Bible

⁵ Jiiri woy cindi taacantoo (14to) ra, Kedorlawomer nda kokoyey kaŋ marga ka koy Refa borey wongu koyraa ra kaŋ maaɲoo ti Ašitorot-Karanayim. I na Zuz borey wongu koyraa ra kaŋ maaɲoo ti Haam. I na Emu borey wongu Šawe-Kiryatayim.

Šintinoo 14:5 ပူးပေါင်းရင်းမြစ်များ

Šintinoo 14:4

I na jiiri woy cindi hinka (12) tee, i goo Kedorlawomer cire, amma jiiri woy cindi hinzantoo (13to) ga, i ture.

Šintinoo 15:20

nda Heti borey, nda Ferezi borey, nda Refa borey,

Samiyel 2to 23:13

Hegaa waati, Dawda goo Adulam tondi horboo ra, wongu-ize boŋkoyni waranzaa (30) kaŋ goo a bande, aru hinza i ra doo Dawda do. Woo gar Filisti borey wongu-ize jama goo Refa borey gooroo ra.

Samiyel 2to 5:18

Filisti borey kaa ka say-say Refa borey gooroo ra ka goro a ra.

Samiyel 2to 5:22

Filisti borey yee koyne ka žigi ka wongu, i na Refa borey gooroo dii ka goro a ra.

Taarikey 1na 11:15

Han foo, wongaari waranza (30), aru hinza i ra koy Dawda do, tondey ra kaŋ goo Adulam tondi horboo here, Dawda goo horboo din ra. Woo gar Filisti borey wongu-ize jama goo Refa borey gooroo ra.

Taarikey 1na 14:9

Filisti borey kaa ka hasaraw beeri tee Refa borey gooroo ra.

Taarikey 1na 4:40

I duu kurdoo hennayaŋ, i duu ganda henna yulwante kaŋ ra alaafiya nda baani goo. Šam hayroo boroyaŋ ka cindi ka goro gandaa din ra cee jinaa.

Zaburey 105:23

Woo banda ga, Izirayel koy Misira. Yakuba tee yaw Šam gandaa ra.

Zaburey 105:27

I na Irkoy tammaasawey tee i game, ka kayfiyaŋ tee Šam gandaa ra.

Zaburey 106:22

ka teegoy kayfanteyaŋ tee Šam gandaa ra, nda teegoy hunburanteyaŋ Kakaarey teekoo jere.

Zaburey 78:51

A na gunde jinaw kul kaŋ goo Misira kar kʼi wii, a na ngi gaaboo izey wii Šam gorodogey ra.

Kabuyaney 32:37

Rubeŋ izʼarey na Hešboŋ, nda Elale, nda Kiryatayim koyrawey cin taaga,

Alhukumoo 1:4

Woo teendi kaŋ a na Amor borey kokoyoo Sihoŋ kaŋ ga goro Hešboŋ, nda Bašaŋ gandaa kokoyoo Og kaŋ ga goro Aštarot koyraa ra nda Edreyi koyraa ra kar ka hin ey.

Alhukumoo 3:11

Og, Bašaŋ kokoyoo hinne ka cindi Refa borey ra. Nga daaroo mana teendi nda kala guuru. Nga kuuyanoo manʼti kala kabedaaru yagga, nga hayyanoo kabedaaru taaci, aru kabedaaru. Daaroo sii kala Amoŋ borey galloo ra kaŋ se i ga nee Raba.

Alhukumoo 3:13

Manase alkabiila jeraa se ay na Galad cindoo noo nda Bašaŋ kul kaŋ ti Og laamaa, maanaa Argob koyraa laamaa kul. Bašaŋ kul mma ciyandi Refa borey nongu.

Alhukumoo 3:20

War ma woo tee hala waati kaŋ Abadantaa na war armey noo hunanzamay sanda war, ngi hunday ma duu gandaa kʼa mayray kaŋ Abadantaa, war Koyoo gʼa noo i se Žurdeŋ isaa jere faa ga. Woo banda ga, war ga willi, boro foo kul ga kaa ka goro nga dogoo ra kaŋ ay nʼa noo war se.›

Alhukumoo 3:22

War masi hunbur ey, Abadantaa, war Koyoo hunday no ma wongu war se.›»

Žozuwe 12:4

Kokoy faa maaɲoo ti Og kaŋ ti Bašaŋ kokoyoo, a ga goro Aštarot nda Edreyi. Refa borey cindey affoo no.

Žozuwe 13:12

nda Og laamaa kul Bašaŋ ra kaŋ bay ka Aštarot nda Edreyi laama, nda Refa borey kaŋ cindi. Koyrawey wey, Musa kʼi wongu ka borey gaaray.

Žozuwe 13:19

nda Kiryatayim, nda Sibma, nda Seret-Šahar gooroo tondi hondoo boŋ,

Žozuwe 13:31

nda Galad jere faa, nda Aštarot, nda Edreyi kaŋyaŋ goo kokoyoo Og laamaa ra Bašaŋ, i tee Makir, Manase izʼaroo izʼarey wane, Makir izʼarey jere faa, alaayan beeri ka koy alaayan beeri duu nga bagaa.

Žozuwe 9:10

nda haya kul kaŋ a nʼa tee Amor kokoy hinkaa se Žurdeŋ isaa se banda, Sihoŋ, Hešboŋ kokoyoo se, nda Og, Bašaŋ kokoyoo se kaŋ cindi Aštarot.