Šintinoo 13:8 - Songhai de Gao Bible

⁸ Ibirim nee Lotu se: «Ay gʼa wiri ni ga, alfitina masi huru agay nda ni game. A masi huru ay kurkey nda ni waney game, zama ir kul ti hugu follokaa borey.

Šintinoo 13:8 ပူးပေါင်းရင်းမြစ်များ

Šintinoo 13:9

Gandaa kul goo ni jine! Ir ma fay. Nda nʼna hawsaa zaa, ay ga gurmaa zaa. Nda nʼna gurmaa zaa, ay ga hawsaa zaa.»

Šintinoo 14:14

Waatoo kaŋ Ibirim maa kaŋ i na nga boraa tee kasa-ize ka koy, a na nga hugu-ize wongaari boro zangu hinza nda iwoy cindi yaaha (318) zaa. I nʼi gaaray hala koyraa ra kaŋ maaɲoo ti Dan.

Šintinoo 45:24

Waatoo kaŋ a ga nga armey naŋ i ma koy, a nee i se: «War masi yenje fondaa ra!»

Šintinoo 46:34

War mʼa zaabi ka nee: ‹Ni tamey manʼti kala kurkawyaŋ za ngi zankataraa ga hala hõ, ir nda ir baabey kul.› Takaa woo ra war ga goro Gošeŋ gandaa ra, zama kuryan manʼti kala almuhal Misira borey se.»

Zaburey 133:1

Woo ti žigiyanoo dooni kaŋ Dawda nʼa don. Nga ne, a ga boori, a ga hennay armayaŋ ma waafaku ka goro cere bande!

Fattaroo 2:13

Subaa ra, a fatta koyne, nga ne, a dii Ebere boro hinka kaŋ ga yenje. A nee boraa kaŋ tooɲe se: «Macin se nʼga ni ceroo kar?»

Yaasawey 15:1

Šenni henna ga bine yaynandi, šenni laala ga boro futandi.

Yaasawey 15:18

Boro bine konna ga citi tunandi, boro kaŋ ga muɲe ga yenje benandi.

Yaasawey 20:3

Beeray no boro se ma mooro yenje, lakkal jaŋante mma yenje tunandi.

Matiyu 5:9

Borey duu gomni kaŋ ga kate alaafiyaa, zama ngi se i ga nee Irkoy izey.

Teegoyey 7:26

Subaa ra, a na Izirayel boroyaŋ gar kaŋ goo ma yenje, a ceeci kʼi waafakandi i ma cere noo alaafiya, a nee: ‹Arey, armayaŋ ti war, macin se war ga cere tooɲe?›

Rom borey batagaa 12:10

Haya kaŋ ti armataray baji, war ma too nda baji cere se. Haya kaŋ ti boro beerandiyan, war ma tee boro jinaa kaŋ ga nga ceroo beerandi.

Filipi borey batagaa 2:14

Haya kul kaŋ war gʼa tee wʼa tee bila ŋuunuŋuunu bila kakaw.

Tesalonik borey bataga 1na 4:9

Haya kaŋ ti armataray baji, a si too boro ma hantum war se a ga, zama war hunday, Irkoy na war cawandi war ma baa cere.

Eberewey batagaa 12:14

Wa ceeci alaafiya ma bara war nda borey kul game, nda henanyan, bila henanyan boro kul si dii ir Koyoo.

Eberewey batagaa 13:1

Wa koy jine armataray baji ra.

Piyer bataga 1na 1:22

War na war hundey henanandi nda cimoo haŋajeryanoo ka armataray baji tee kaŋ ra almunafikitaray sii. War ma baa cere nda soobay nda bine [kaaray].

Piyer bataga 1na 2:17

Wa adamizey kul beerandi, wa baa war armey, wa hunbur Irkoy, wa kokoyoo beerandi.

Piyer bataga 1na 3:8

Woo kul banda ga, war kul ma tee miile foo, war ma hinna, war ma baa cere sanda armayaŋ, war ma tamalla, war ma war boŋ yeeti ganda.

Piyer bataga 1na 4:8

Amma woo kaŋ bisa haya kul ti war ma hanse ka baa cere, zama baji ga zunubu boobo daabu.

Piyer bataga 2to 1:7

ka armataray baji tonton Irkoy ganayan ga, ka baji tonton armataray baji ga.

Yehiya bataga 1na 4:7

Ay baakey, ir ma baa cere, zama baji si hun kala Irkoy do, boro kul kaŋ ga baa boro, Irkoy ka boraa hay, de a ga Irkoy bay.

Alkaaley 9:26

Waati follokaa ra Gal, Ebed izʼaroo kaa, nga nda nga armey, i bisa nda Šekem. Šekem borey naanay a.