Sargarey 8:6 - Songhai de Gao Bible

⁶ Woo banda ga, Musa na Haruna nda nga izʼarey manandi kʼi ɲumay nda hari.

Sargarey 8:6 ပူးပေါင်းရင်းမြစ်များ

Zaburey 26:6

Ay gʼay kabey ɲumay kʼay henanyanoo cebe, ay ga ni sargari tonadogoo kuubi kʼa bere, Abadantaa,

Zaburey 51:2

Dawda ka doonoo woo don waatoo kaŋ annabi Nataŋ koy a do kaŋ Dawda marga nda Batšeba.

Zaburey 51:7

Za ay hayandi, agay nda zunubu no, za ay ɲaa gundoo ra, zunubante ti agay.

Fattaroo 29:4

Ma Haruna nda nga izʼarey ka koy cere kubayyan hukkumoo miɲoo ga, mʼi ɲumay nda hari.

Fattaroo 30:19

Haruna nda nga izʼarey ga ngi kabey nda ngi cewey ɲumay a ra.

Fattaroo 30:20

Waati kaŋ i ga huru cere kubayyan hukkumoo ra, i ga hari ka ɲumay hala i masi duu ka buu, wala waati kaŋ i man sargari tonadogoo do ka ngi goyoo tee kaŋ ti ka sargari tonante dullandi Abadantaa maaɲoo ga.

Fattaroo 40:12

Ma Haruna nda nga izʼarey manandi cere kubayyan hukkumoo miɲoo ga, mʼi ɲumay nda hari.

Sargarey 16:4

A ma šukka kaŋ se i ga nee leŋ kaayi henanante daŋ nga ga, a ma leŋ šukka npogo daŋ, a ma nga centoo haw nda leŋ šukka gamahaw, a ma leŋ šukka fatala didiji nga boŋoo ga, bankaaray henananteyaŋ no. A ma nga gaahamoo ɲumay nda hari jina a mʼi daŋ.

Sargarey 8:5

Musa nee alžamaa se: «Hayaa ne kaŋ Abadantaa yaamar a ma teendi.»

Korent borey bataga 1na 6:11

Woo ti haya kaŋ war affooyaŋ cindi ka ti a. Amma war ɲumayandi, war jisandi jere ga Irkoy se, war tee boro šerranteyaŋ ir Koyoo Isa Almasihu maaɲoo nda Irkoy Hundoo albarkaa ra.

Efez borey batagaa 5:26

hala nga mʼa jisi jere ga Irkoy se kʼa henanandi nda hari. A na nga meešennoo kʼa ɲumay.

Eberewey batagaa 10:22

Ir ma man Irkoy nda bine kaaray nda naanay timmante, ir ma duu bineyaŋ kaŋ henan ka mooru ifutu kaŋ ir bay ir lakkaley ra kaŋ ir nʼa tee nda gaaham kaŋ ɲumay nda hari henanante.

Eberewey batagaa 9:10

Goyoo din si teendi de nda kala ŋaahaya, nda haŋhaya, nda alwala dumi-dumiyaŋ. Wey manʼti kala kabehayayaŋ kaŋ ga bara hala waatoo kaŋ ra Irkoy na hayey barmay.

Bangandiroo 7:14

Ay nee a se: «Ay koyoo, ni no ma bay.» Waatoo din a duu ka nee ya ne: «Borey no kaŋ hun zarabiyan beeroo dogoo ra. I na ngi darbay beerey ɲumay kʼi kaarandi Feeji-izoo kuroo ra.