Sargarey 5:5 - Songhai de Gao Bible

⁵ Boro kaŋ duu zunubey wey affoo, a ma hayaa har kaŋ zunuboo no a nʼa tee.

Sargarey 5:5 ပူးပေါင်းရင်းမြစ်များ

Ayuba 33:27

A ga don adamizey jine ka nee: ‹Ay na zunubu tee, ay na haya šerrantaa šiirandi, ya na duu zukandoo kaŋ nda ay ga hima.

Zaburey 32:5

Woo maaganda se ay yadda ay zunuboo ga kʼa cebe ma ne, ay manʼay layboo tugu, ay nee: «Ay gʼay hooyaney har kaaray Abadantaa se.» Ni, nʼnʼay layboo yaafa, ay zunuboo yaafandi. Kay-kayna

Yaasawey 28:13

Boro kaŋ ga nga hooyaney tugu si koy jine, boro kaŋ yadda i ga, a nʼi naŋ, ga duu hinnari.

Sargarey 16:21

Haruna ma nga kabe hinkaa fur jindaaru hunantaa boŋoo ga, a ma Izirayel borey laybey kul har a ga, nda ngi hooyaney kul, nda ngi zunubey kul, a mʼi daŋ jindaaroo boŋoo ga. A mʼa taŋ, aru foo kaŋ kayandi mʼa ka koy saajoo ra.

Sargarey 26:40

Woo banda ga, i ga ngi zunubey nda ngi baabey zunubey har kaaray, tooɲerey kaŋ i nʼi tee ya ne, nda takaa kaŋ nda i mana yadda ay ga.

Sargarey 5:13

Sargari juwalkaa ma zunubu tuusuyanoo tee a se nga zunuboo se kaŋ a nʼa tee ka yaamarey wey affoo hoo, de a ga yaafandi. Woo kaŋ cindi, sargari juwalkaa ma duu a sanda taasu sargaroo.›»

Kabuyaney 5:7

borey ma yadda kaŋ ngi na zunubu tee, boraa kaŋ tooɲe a ma hayaa kul yeeti boraa se kaŋ a nʼa tooɲe, ka hayaa affoo tonton igguu foo kul ga.

Rom borey batagaa 10:10

Zama boro mma naanay nga binoo ra ka diyandi boro šerrante, boro kaŋ miɲoo na Isa koytaraa cimandi ga hallasi.

Žozuwe 7:19

Žozuwe nee Akaŋ se: «Ay izoo, ay gʼa ŋaaray ni ga, ma Abadantaa, Izirayel Koyoo beerandi, yadda ni layboo ga a jine. Hayaa har ya ne kaŋ nʼnʼa tee, masi haya kul tugu ya ne.»