Sargarey 5:2 - Songhai de Gao Bible

² Boro kaŋ tuku haya kul kaŋ no ga kaŋ ga harram, a ma tee hooga jifa harramante, wala adabba biirante jifa harramante, wala gandako jifa harramante, ba nda a mana bay, boraa hunday žiibi, a duu zunubu.

Sargarey 5:2 ပူးပေါင်းရင်းမြစ်များ

Zaburey 19:12

Agay hunday, ni tamoo, nʼgʼay cawandi nda ey, boro kaŋ gʼi dii, nga nafaa ga boobo.

Sargarey 11:11

I ma tee war se haya wangante, war masi ngi hamey ŋaa, war ma wanga ngi jifawey.

Sargarey 11:8

War masi ngi hamey ŋaa, war masi tuku ngi jifaa ga. I ga harram war se.

Sargarey 4:13

«‹Nda Izirayel jamaa kul firka ka zunubu tee bila nda i ma bay, de i na yaamarey kul kaŋ ga bara affoo hoo kaŋ Abadantaa nʼi gay i masʼa tee, i duu zunubu.

Sargarey 5:17

Nda boro kaŋ na zunubu tee ka yaamarey kul kaŋ ga bara affoo hoo kaŋ Abadantaa nʼa gay a masʼa tee bila nda a ma bay, a duu zunubu, de a ga nga layboo zaa.

Sargarey 5:3

Wala mo boro, nda a tuku adamize žiibi ga, a ma tee žiibi dumi kul kaŋ no kaŋ ga boro žiibandi, ba nda a mana bay, nda a kaa ka bay, a duu zunubu.

Sargarey 5:4

Boro kaŋ goo ma šelaŋ bila nda lakkal hala a žee, haya kul kaŋ ga no, a ma tee ihenna wala ifutu, ba nda a mana bay, nda a kaa ka bay, a duu zunubey wey affoo.

Sargarey 7:21

Nda boro tuku haya kul kaŋ no ga kaŋ ga harram, adamize žiibi, wala alman harramante, wala haya wangante kul kaŋ ga harram, de a na alaafiya teendi sargaroo hamoo ŋaa kaŋ ti Abadantaa wane, boraa din ga hun nga jamaa ra.›»

Kabuyaney 19:22

Haya kul kaŋ ga boro žiibaa tuku ga žiibi. Boro kaŋ tuku boro žiibaa ga, ga žiibi hala almaaroo ra.»

Luka 11:44

War bone, zama war ga hima nda saarayyaŋ kaŋ ga boro ga dira bila nda ma bay wala saarayyaŋ no.»

Korent borey bataga 2to 6:17

Woo maaganda se «wa fatta i game ka fay nda ey.» Ir Koyoo nʼa har. «War masi tuku haya žiibi ga, de agay, ay ga yadda war ga.»

Alhukumoo 14:8

Nda nbirŋa, zama ceetaamey ga faya, amma a si goyaw, a ga harram war se. War masi ngi hamey ŋaa, war masi tuku ngi jifaa ga.