Sargarey 26:5 - Songhai de Gao Bible

⁵ War ga taasoo kar hala alaneboo hegaa ga, alaneboo hegaa ga koy hala sayyanoo ga, war ga war ŋaahayaa ŋaa hala war ma kungu, de war ga goro war gandaa ra nda alaafiya.

Sargarey 26:5 ပူးပေါင်းရင်းမြစ်များ

Zaburey 144:13

Ir taasu fanjidogey ma too met, attam dumi kul ma bara i ra, ir adabba buunaa ma tonton nda zenberyaŋ, i ma tonton nda zenber woyyaŋ ir hawsawey ra.

Zaburey 90:1

Ŋaarayroo kaŋ Irkoy boraa Musa nʼa tee. Ir Koyoo, ni, ni tee ir se gorodoo zaman ka kaa zaman.

Fattaroo 16:8

Musa nee: «War ga kaa ka bay waati kaŋ wiciroo ra Abadantaa ga war noo ham, subbaahoo ra, a ga war noo takula war ma ŋaa ka kungu. Zama Abadantaa maa ŋuunuŋuunuyanoo kaŋ war nʼa tee nga ga. Ir ti macin? Manʼti ir ga war ga ŋuunuŋuunu, Abadantaa ga war ga ŋuunuŋuunu.»

Yaasawey 1:33

Amma boro kaŋ ga haŋajer ya ne ga goro alaafiya ra, a ga goro lakkalkanay ra, a si hunbur bone.»

Yaasawey 18:10

Abadantaa maaɲoo manʼti kala soorohugu kuku gaabante, šerrante ga zuru ka huru a ra ka hallasi.

Matiyu 23:37

«Žerizalem, Žerizalem kaŋ ga annabey wii, a ga tondi ka borey warra kʼi wii kaŋ sanbandi a ga. Cee marje ay baa ya ni izey marga sanda takaa kaŋ nda gorgo ga nga izey marga nga fatawey cire, amma war wanji!

Teegoyey 14:17

A mana fay nda a ga gomniyaŋ ka seedetaray tee, a na war noo beenaa ncirɲey nda kaydiya hennayaŋ, ka war noo ŋaayan boobo ka war biney too nda ɲaali.»

Alhukumoo 11:15

Ay ga subu zayandi hawsaa ra ni adabbawey se, nʼga ŋaa hala ma kungu.

Timote bataga 1na 6:17

Borey yaamar kaŋ ti zamanoo woo almankoyney, i masi tee bolsanteyaŋ, i masi ngi naataa daŋ alman ra kaŋ si cindi. I ma ngi naataa daŋ Irkoy ra kaŋ ga haya kul noo ir se nda booboyan hala ir ma daame a ra.

Piyer bataga 1na 1:5

War kaŋ naanaa albarkaa ra, Irkoy hinoo ga war lakkal hallasiyan se kaŋ soolu ka bangandi waati kokorantaa ga.