Sargarey 26:16 - Songhai de Gao Bible

¹⁶ agay mo, hayaa ne kaŋ ay gʼa tee war se: ay ga hunburay, nda ɲomyan, nda gaaham konni kaŋ ga war moɲey ŋaa ka war hundey laazaaba sanba war ga, war ga war dumiyoo say, amma a ga tee yaada, zama war iberey no mʼi ŋaa.

Sargarey 26:16 ပူးပေါင်းရင်းမြစ်များ

Kokoyey 1na 8:37

Nda heray kaa gandaa ra, wala sorfa, wala kogay, wala ka dumari-izey funbandi, wala ndoo, wala ndoo-ize, wala nda iberi kaa ka ni jamaa wanga kʼa daŋ game kʼa dii nga gandaa koyrawey ra, nda dori dumi kul kaŋ no, wala wirci dumi kul kaŋ no,

Ayuba 18:11

Nongoo kul here hunburay ga kaŋ a boŋ, a ga hanga a cee nda cee.

Ayuba 20:25

Nda a gʼa hoobu kʼa kaa nga dumaa ga, ka guuru mee kaanaa kaa nga tasaa ra, binedunbay ga zunbu a boŋ.

Ayuba 31:8

yala boro tana ma haya ŋaa kaŋ ay nʼa duma, wala ay faaroo ma dogandi ka hun laboo ra!

Zaburey 109:6

A kaŋandi boro futu kaboo ra nkuway ma kay kabe gumaa ga!

Zaburey 73:19

Wa guna, dogoo din da i tee yaada, i benandi, bone nʼi derandi.

Zaburey 78:33

Woo se a na ngi jirbey benandi yaada ra ka ngi jiirey benandi hunburay ra.

Fattaroo 15:26

A nee: «Nda nʼga haŋajer ka boori Abadantaa, ni Koyoo šennoo se, nda nʼga haya tee kaŋ ga henan a jine, nda nʼga haŋajer nga ašariyawey, nda nʼga nga yaamarey kul dii, wircey kaŋ ay nʼi daŋ Misira borey ra, ba affoo si duu ni, zama agay ti Abadantaa kaŋ ga ni noo gaaham baani.»

Yaasawey 3:33

Abadantaa dangayanoo goo boro futu hugoo ra, amma a ga albarka daŋ boro šerrante gorodogoo ra.

Alhukumoo 28:51

A ga ni almanoo hayroo nda hayey kaŋ ni laboo gʼi hay ŋaa hala ma halaci, i si alkama, wala alaneb hari, wala jii, wala ni adabba beerey hayroo, wala ni alman buuney hayroo naŋ war se, kokoroo ti a ga ni derandi.

Alhukumoo 32:25

Taraa ra, takuba ga ngi izey wii, hugey gundey ra, hunburay gʼi wii, takaa follokaa no ma tee aru sooga, nda woy soogo, nda ize taana, nda hinbiri kaaray se.›

Eberewey batagaa 10:31

Almasiiba ti boro ma kaŋ Irkoy hunantaa kaboo ra!

Alkaaley 6:11

Woo banda ga, Abadantaa almalaykaa kaa ka goro tuuriɲaa beeroo cire kaŋ goo Ofra kaŋ ti Yowaš, Abiyezer boraa wane. Nga izʼaroo Žedewoŋ ga alkama kar alaneb mottidogoo ra. A ga woo tee no din hala Majaŋ borey masi dii a.

Samiyel 1na 2:33

Amma ay ga ni boro daŋ sargari tonadogoo goyoo ra ka ni farandi nda canseyan nda ka ni binoo ŋaa. Boro kul kaŋ ga hayandi ni hugoo ra ga buu a mana žen.