Sargarey 19:3 - Songhai de Gao Bible

³ War affoo kul ma hunbur nga ɲaa nda nga baabaa, war mʼay hunanzamzaarey dii. Agay ti Abadantaa, war Koyoo.

Sargarey 19:3 ပူးပေါင်းရင်းမြစ်များ

Šintinoo 48:12

Isufi nʼi kaa nga baabaa cewey boŋ, a na nga ndumoo sinji laboo ra ka gunguma.

Nehemi 9:14

Nʼnʼi bayrandi ni hunanzamzaari henanantaa, de mo nʼna yaamaryaŋ, nda hantumyaŋ, nda ašariya daŋ i se ni tamoo Musa bande.

Fattaroo 16:29

War ma bay kaŋ hunanzamzaaroo kaŋ Abadantaa nʼa noo war se maaganda se, jirbi idduwantoo hane a ga war noo jirbi hinka ŋaahayaa. Jirbi iyyantoo hane boro kul ma cindi nga do, boro kul masi fatta.»

Fattaroo 20:12

Ma ni baabaa nda ni ɲaa beerandi hala ma duu aloomur gandaa ra kaŋ Abadantaa, ni Koyoo gʼa noo ma ne.

Fattaroo 20:8

Ma hanse ka hongu hunanzamzaaroo, a ma yeetandi jere ga ya ne.

Fattaroo 21:15

Boro kaŋ na nga ɲaa wala nga baabaa kar, a waazibi boraa ma wiiyandi.

Fattaroo 21:17

Boro kaŋ na nga ɲaa wala nga baabaa kaynandi, a waazibi boraa ma wiiyandi.

Yaasawey 1:8

Ay izʼaroo, haŋajer ni baabaa hoyraa se, masi wanji ni ɲaa cawandoo,

Yaasawey 23:22

Haŋajer ni baaba se kaŋ na ni daŋ aduɲɲa ra, masi ni ɲaa kaynandi waati kaŋ a žen.

Yaasawey 30:11

Zaman foo alwaddayaŋ goo no kaŋ ga ngi baaba danga, de i si gaara ngi ɲaa se.

Yaasawey 30:17

Boro kaŋ ga nga baaba kašikaši, de a ga nga ɲaa šenney yala, gooroo gaaru-gaarey ga moɲey looti, dutal-izey gʼa ŋaa.

Sargarey 11:44

Zama agay ti Abadantaa, war Koyoo. Wa war boŋ daŋ jere ga Irkoy se ka tee nga boro henananteyaŋ, zama ay ga henan. War masi war boŋ žiibandi nda gandakoyey kaŋ ga ziilam-ziilam laboo ga affoo.

Sargarey 19:25

Jiiri guwantoo ra, war ma izey ŋaa hala i ma boosu ka tonton war se. Agay ti Abadantaa, war Koyoo.

Sargarey 19:30

War mʼay hunanzamzaarey dii, war mʼay nongu henanantaa beerandi. Agay ti Abadantaa.

Sargarey 19:31

War masi bere borey here kaŋ ga bukawey cee kʼi hãa, i ga haya har kaŋ ga kaa ka tee, war masʼi ceeci, war masi koy žiibi i bande. Agay ti Abadantaa, war Koyoo.

Sargarey 19:34

Yawoo kaŋ ga waati tee war bande, war mʼa dii sanda ganda-ize cimi, ma bagʼa sanda takaa kaŋ nda nʼga baa ni boŋ, zama war tee yaw Misira gandaa ra. Agay ti Abadantaa, war Koyoo.

Sargarey 23:3

Jirbi iddu goy ma teendi, amma jirbi iyyantoo ti hunanzamzaaroo kaŋ bisa hunanzamzaarey jerey, margari henanante ma tee. Goy kul masi teendi a ra. Hunanzamzaari no Abadantaa maaɲoo ga, nongu kul kaŋ ra war goro.

Sargarey 26:2

War mʼay hunanzamzaarey dii, war mʼay nongu henanantaa beerandi. Agay ti Abadantaa.

Alhukumoo 27:16

Boraa laali kaŋ ga nga baabaa nda nga ɲaa kaynandi. Jamaa kul ga nee: ‹Amin.›

Alhukumoo 5:16

Ma ni baabaa nda ni ɲaa beerandi nda takaa kaŋ nda Abadantaa, ni Koyoo na ni yaamar hala ma duu aloomur, ma duu gomni gandaa ra kaŋ Abadantaa, ni Koyoo gʼa noo ma ne.

Eberewey batagaa 12:9

Koyne mo aduɲɲa ra ir duu baabayaŋ kaŋ nʼir aladabu, ir nʼi beerandi. Ir sʼir boŋ yeeti ganda hundey Baabaa se ka duu hunayan wala?