Sargarey 12:2 - Songhai de Gao Bible

² «Šelaŋ Izirayel borey se ka nee: ‹Nda woy na gunde zaa, a duu nga boŋ izʼaru, a ga žiibi jirbi iyye, a ga žiibi sanda waati kaŋ a ga dii nga gaaham žiiboo.

Sargarey 12:2 ပူးပေါင်းရင်းမြစ်များ

Šintinoo 1:28

Woo banda ga, Irkoy na albarka daŋ i ra, a nee i se: «Wa hay, war ma cere hay ka boobo. Wa laboo too, war mʼa laama. Teekoo hamiisaa, nda beenaa ciraw, nda adabba kul kaŋ ga ziilam-ziilam laboo ga, war ma tee i se jineboro.»

Šintinoo 3:16

A nee woyoo se: «Ay ga farayan boobo tonton ni alhaamidutaraa hottaa ga. Kala hottay hala nʼga hay. Ni kurɲoo se nʼga alhawa, amma nga no ma ni juwal.»

Samiyel 2to 11:4

Dawda na boroyaŋ sanba i mʼa ceeci kate. Woyoo koy Dawda do. A kani nda a. Woo gar woyoo alaadaa nka ben a ga, a na janaaba ɲumay. Woo banda ga, a willi nga hugoo do.

Ayuba 14:4

May no ma hin ka haya henanante kaa ižiibaa ra? A sii no.

Ayuba 15:14

Macin ti adamize hala a ma henan? Nda boro kaŋ woy nʼa hay, a ma tee šerrante?

Ayuba 25:4

Taka foo nda adamize ga hin ka tee šerrante Irkoy jine? Taka foo nda boro kaŋ woy nʼa hay ga henan?

Zaburey 51:5

Zama ay yadda ay tooɲeyaney ga, de mo waati kul ay zunuboo goo ay jine.

Sargarey 12:1

Abadantaa šelaŋ Musa se ka nee:

Sargarey 12:5

Amma nda woy no a duu a, a ga žiibi jirbiiyye hinka, a ga žiibi sanda waati kaŋ a ga dii nga gaaham žiiboo. Woo banda ga, a ma goro jirbi woydu cindi iddu (66), hala waati kaŋ kuroo žiiboo ma ben a ga.

Sargarey 15:19

Nda woy ga mandi, nga mandiroo manʼti kala nga gaaham žiiboo, a ma cindi nga žiiboo ra jirbi iyye, boro kul kaŋ tuku a ga, ga žiibi hala almaaroo ra.

Sargarey 18:19

Masi too woy do ka dii nga gaa koonoo ka marga nda a waati kaŋ a ga dii nga gaaham žiiboo.

Sargarey 5:3

Wala mo boro, nda a tuku adamize žiibi ga, a ma tee žiibi dumi kul kaŋ no kaŋ ga boro žiibandi, ba nda a mana bay, nda a kaa ka bay, a duu zunubu.

Luka 2:22

Kaŋ ngi henanandiyanoo jirbey timme ka ben kaŋ hantumandi Musa ašariyaa ra, i henan, i na Isa ka žigi ka koy Žerizalem kʼa a noo ir Koyoo se,