Rutti 4:15 - Songhai de Gao Bible

¹⁵ Zankaa woo ga ni hunaroo noo addalil. A ga ni faaba ni ženyanoo ra, zama ni nzura woyoo kaŋ ga hanse ka baa ni ka duu ma ne izoo woo. Ni nzuraa woo bisa ma ne izʼaru boro iyye.»

Rutti 4:15 ပူးပေါင်းရင်းမြစ်များ

Šintinoo 45:11

Ne ra, ay ga ni ŋandi, zama heray ga tee koyne jiiri guu, hala masi koy kaŋ fara ra ni, nda ni alaayaney, nda haya kul kaŋ goo ni maaɲoo ga.›

Šintinoo 47:12

A na nga baabaa, nda nga armey, nda nga baabaa hugoo borey kul noo ŋaayan, affoo kul a laasaabu kʼa noo haya kaŋ ga wasa nga borey hinnaa se.

Zaburey 55:22

Deenoo ga ban nda barkura, amma wongu bara binoo ra, nga šenney ga fiši ka bisa jii, amma takubayaŋ no kaŋ hoobandi.

Yaasawey 18:24

Boro kaŋ goo nda cereyaŋ ga hin ka duu ey nga bonaa se, amma cere goo no kaŋ ga man ni ka bisa arma.

Rutti 4:16

Nawomi na zankaa taanaa zaa nga gandoo ra. Nga no ka zankaa biiri.

Samiyel 1na 1:8

Elkana, nga kurɲoo ga nee a se: «Anna, macin se nʼga hẽe? Macin se nʼsi ŋaa? Macin se ni binoo ga maray? Ya nka mana bisa ma ne izʼaru woy (10) wala?»

Samiyel 1na 2:5

Borey kaŋ kungu ga goy ka ŋaayan ceeci, amma borey kaŋ heray kungu. Woy gunoo ga hay cee iyye, woyoo kaŋ ga duu hayyan ga hun hayyan.